माझे नाव ‘देवेंद्र शेट्टी फडणवीस’ ; विश्व बंट संमेलनात उपमुख्यमंत्र्यांची टिप्पणी

कुर्ला येथे विश्व बंट संमेलनाचे आयोजन करण्यात आले होते. त्यास प्रमुख पाहुणे म्हणून उपमुख्यमंत्री फडणवीस, खासदार गोपाळ शेट्टी आदी मान्यवर उपस्थित होते. या वेळी बोलताना फडणवीस म्हणाले, बंट समाज सर्व आघाडय़ांवर पुढे आहे. हा समाज जिथे जाईल, तिथे साखरेप्रमाणे मिसळतो. त्यांनी महाराष्ट्रात येऊन गोडवा वाढविला आहे. राज्य सरकार या समाजाबरोबर असून जेव्हा तुमची प्रगती होते, तेव्हा राज्याची व देशाचीही प्रगती होते.