महिनाभरात एकगठ्ठा ६४ लाख गणवेशांचा घाट कशासाठी? निर्णयाबाबत शंका, सुमारे ३८५ कोटी रुपयांची उलाढाल

मुंबई : राज्यातील शासकीय शाळांमध्ये शिकणाऱ्या पहिली ते आठवीच्या सर्व विद्यार्थ्यांना मोफत गणवेश वाटण्याचा निर्णय शासनाच्या विचाराधीन असला तरी तो अमलात आणायचा झाल्यास वेगवेगळ्या वयांचे विद्यार्थी, त्यांची उंची, आकारांचे सुमारे ६४ लाख गणवेश पुरवावे लागणार आहेत. यात जवळपास ३८५ कोटी रुपयांची उलाढाल अपेक्षित असली तरी शाळा सुरू होण्यास महिनाभराचा कालावधी शिल्लक असताना सरकारने राज्यस्तरावर गणवेश पुरविण्याचा घाट का घातला, असा प्रश्न आता उपस्थित केला जात आहे.