महाराष्ट्र सदन घोटाळ्यातील आरोपी आणि बांधकाम खात्याचे माजी सचिव दीपक देशपांडे यांना निलंबित करण्याच्या प्रस्तावाला शनिवारी मुख्यमंत्री देवेंद्र फडणवीस यांनी मान्यता दिली. लाचलुचपत प्रतिबंधक खात्याने त्यांच्या मालमत्तेवर टाकलेले छापे आणि त्यांच्याविरुद्ध दाखल केलेल्या गुन्ह्याच्या पार्श्वभूमीवर मुख्यमंत्र्यांकडून ही कारवाई करण्यात आली आहे. काही दिवसांपूर्वी महाराष्ट्र सदन आणि अन्य गैरव्यवहारांत राज्याचे तत्कालीन सार्वजनिक बांधकाममंत्री छगन भुजबळ यांच्यासह या विभागाचे माजी सचिव व राज्याचे माहिती आयुक्त दीपक देशपांडे यांच्यासह १७ जणांवर गुन्हे दाखल गुन्हे दाखल करण्यात आले होते. त्यानंतर दीपक देशपांडे यांच्या औरंगाबादमधील घरावर लाचलुचपत प्रतिबंधक विभागाकडून छापा टाकण्यात आला होता. यामध्ये तब्बल १.५३ किलो सोने, २७ किलो चांदी आणि २ कोटी ६८ लाख रुपयांचे बाँड्स आणि ठेवी इतके मोठे घबाड सापडले होते. याशिवाय त्यांच्या बँक ऑफ पटियालाच्या भाग्यनगर शाखेतील दोन लॉकर्सच्या झडतीमध्ये आणखी दीड किलो सोने आढळून आले होते. दरम्यान, माहिती आयुक्त देशपांडे यांना त्यांच्या पदावरून हटविले आहे की नाही किंवा त्यांना निलंबित केले आहे की नाही, याची कसलीही माहिती राज्य माहिती आयोगाच्या कार्यालयात दिली गेलेली नव्हती.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
