‘बिटकॉइन’प्रकरणी छत्तीसगडमध्ये छापे, कथित घोटाळ्याचे राजकीय लागेबांधे असल्याचा ‘ईडी’ला संशय

दरम्यान, केंद्रीय अन्वेषण विभागानेही (सीबीआय) कूटचलन घोटाळा प्रकरणी गौरव मेहताला समन्स बजावले आहे. गेन बिटकॉइन फसव्या योजनेचे विविध पोलीस ठाण्यांमध्ये दाखल गुन्हे सर्वोच्च न्यायालयाच्या आदेशानंतर गतवर्षी डिसेंबरमध्ये सीबीआयकडे हस्तांतरित करण्यात आले होते. मेहता याला लवकरात लवकर चौकशीसाठी हजर राहण्याचे आदेश सीबीआयने दिले आहेत.

हेही वाचा : मुंबईच्या काही भागांमध्ये निरुत्साह, मुस्लीमबहुल भागात तुलनेने अधिक मतदान

मंगळवारी भाजपने राष्ट्रवादी (शरद पवार) (पान ८ वर) (पान १ वरून) खासदार सुप्रिया सुळे आणि काँग्रेस प्रदेशाध्यक्ष नाना पटोले यांची एक कथित ध्वनिफीत जारी केली. २०१८ साली बिटकॉइन घोटाळ्यात अटक झालेले माजी पोलीस अधिकारी रवींद्रनाथ पाटील यांनी एका लेखापरीक्षण कंपनीमध्ये कर्मचारी असलेल्या गौरव मेहता नामक व्यक्तीने आपल्याला अशा १० ध्वनिफिती दिल्याचा दावा केला आहे. बुधवारी ईडीने मेहता यांच्या रायपूरमधील घरावर छापा टाकल्याची माहिती अधिकृत सूत्रांनी दिली. सुळे, पटोले यांच्यासह पुण्याचे माजी पोलीस आयुक्त अमिताभ गुप्ता, माजी उपअधीक्षक भाग्यश्री नवटाके यांच्या ध्वनिफिती असल्याचेही पाटील यांचे म्हणणे आहे. सूत्रांनी दिलेल्या माहितीनुसार, कथित बिटकॉइन घोटाळ्याच्या तपासाची व्याप्ती वाढविताना ईडीने बुधवारी मेहताच्या घराची झडती घेतली. मेहताचे काही राजकीय नेते, सरकारी अधिकारी आणि राजकीय प्रभाव असलेल्या व्यक्तींबरोबर लागेबांधे असल्याचा तपास यंत्रणेला संशय आहे. मेहताकडे आताही शेकडो कोटींचे मूल्य असलेले अनधिकृत बिटकॉइन असल्याची शंका पाटील यांनी निवडणूक आयोगाला केलेल्या तक्रारीत व्यक्त करण्यात आली आहे.

हेही वाचा : मुंबईच्या कमाल तापमानात घट

सुळे यांनी आरोप फेटाळले

पुणे : भाजपकडून प्रसारित करण्यात आलेल्या ‘बिटकॉइन’ संबंधीच्या कथित ध्वनिफीतीतील आवाज आपला आणि काँग्रेसचे प्रदेशाध्यक्ष नाना पटोले यांचा नसून हे आवाज कृत्रिम बुद्धिमत्तेद्वारे (एआय) तयार करण्यात आल्याचा दावा राष्ट्रवादी (शरद पवार) खासदार सुप्रिया सुळे यांनी केला. यासंदर्भात करण्यात आलेल आरोप फेटाळतानाच हे आरोप करणाऱ्यांना कायदेशीर नोटीस बजावली असून चौकशीला सामोरे जाण्यास तयार असल्याचेही त्यांनी स्पष्ट केले.