काही महिन्यांपूर्वी कोसळलेल्या सायन-धारावी-माहीम पुलाच्या दुरुस्तीचे काम लवकरच सुरू करण्यात येणार आहे. या पुलाचा काही भाग पडल्यामुळे येथील वाहतुकीवर परिणाम झाला आहे. सुमारे ३० वर्षांपूर्वी बांधलेल्या पुलाचा काही भाग कोसळल्यामुळे या पुलावरून एकेरी वाहतूक सुरू होती. त्यामुळे धारावी, वांद्रे जंक्शन परिसरातील वाहतूक विस्कळीत होत आहे. दुरुस्तीसाठी सुमारे ६.६ कोटी रुपये अपेक्षित खर्चाच्या दुरुस्तीसाठी पालिकेने ई-निविदा प्रक्रिया सुरू केली आहे.
