इमारतीच्या सार्वजनिक शौचालयात अल्पवयीन मुलीचा विनयभंग केल्याची घटना कुंभारवाडा येथे घडली आहे. व्ही.पी. मार्ग पोलिसांनी याप्रकरणी मोहम्मद काझी (४५) या इसमाला अटक केली आहे. मंगळवारी पहाटे ही ८ वर्षांची मुलगी शौचालयात गेली होती. तिच्यापाठोपाठ काझी तिथे गेला आणि त्याने तिचा विनयभंग केला. त्या मुलीने घाबरून आरडाओरड केल्याने इमारतीचे रहिवासी जागे झाले. त्यांनी काझीला पोलिसांच्या हवाली केले.
