आठ लाख जणांना मराठा-कुणबी प्रमाणपत्र; शिंदे समितीकडून ५८ लाख ८२ हजार नोंदींचा शोध

शिंदे समितीचा चौथा अहवाल मागील महिन्यात मंत्रिमंडळासमोर सादर करण्यात आला. शिंदे समितीला ३० जूनपर्यंत मुदतवाढ देण्यात आली असून ही समिती हैदराबाद गॅझेटिअर्स तसेच बॉम्बे व सातारा गॅझेटिअर्समधील नोंदींचाही शोध घेणार आहे. आतापर्यंत सापडलेल्या ५८ लाख ८२ हजार नोंदींपैकी कोकण विभागात ८,२५,२४७ नोंदी, पुणे विभागात ७,०२,५१३ नोंदी, नाशिक विभागात ८,२७,४६५ नोंदी, छत्रपती संजाभीनगरमध्ये ४७,७९५ नोंदी, अमरावती विभागात सर्वाधिक २५,७४,३६९ नोंदी तर नागपूर विभागात ९,०४,९७६ नोंदी आढळल्या आहेत. अमरावती जिल्ह्यात सर्वाधिक ७ लाख ४७ हजार ४३९ तर सर्वात कमी ९८४ नोंदी या लातूर जिल्ह्यात मराठा कुणबी नोंदी आढळल्या आहेत.

अहवाल लवकरच सरकारकडे

कुणबी मराठा नोंदींचा शोध घेणाऱ्या शिंदे समितीचे काम अंतिम टप्प्यात असून हैदराबाद गॅझेटिअर्स तसेच बॉम्बे व सातारा गॅझेटिअर्सचा शोधही पूर्ण होत आला आहे. जून महिन्यात या समितीचा शेवटचा अहवाल सरकारला सादर करण्यात येणार आहे.