मराठा, मुस्लिमांना फक्त सरकारी नोकऱ्यांमध्येच आरक्षण

शासकीय-निमशासकीय सेवांमध्ये मराठा समाजाला १६ टक्के आणि मुस्लिम समाजाला ५ टक्के आरक्षण लागू करण्याबाबतचा आदेश राज्य शासनाने जारी केला  आहे. मात्र खासगी क्षेत्रात आरक्षण लागू करण्याची तरतूद या आदेशातून वगळण्यात आली आहे. या आदेशानुसार आता मराठा व मुस्लिम समाजाला राज्यात प्रत्यक्षात आरक्षण लागू झाले आहे.
मराठा समाजाला १६ टक्के व मुस्लिम समाजाला ५ टक्के आरक्षणाची सवलत देणारा अध्यादेश राज्य सरकारने ९ जुलै रोजी जारी केला होता. या अध्यादेशात मराठा व मुस्लिम समाजाला शिक्षण संस्थांमधील प्रवेशासाठी व नोकऱ्यांमध्ये राखीव जागा ठेवण्याची तरतूद करण्यात आली आहे. त्याचबरोबर खासगी शिक्षण संस्था आणि खासगी उद्योगांमध्येही राखीव जाागांचे तत्व लागू होईल, असे अध्यादेशात म्हटले होते.
त्यासाठी खासगी शिक्षण संस्था व खासगी उद्योग कोणते याचे स्पष्टीकरणही देण्यात आले होते. त्यानुसार आरक्षणाच्या कक्षेत खासगी क्षेत्रही आणण्यात आले होते व तशी स्पष्ट तरतूद आरक्षण अध्यादेशात करण्यात आली होती.  मात्र प्रत्यक्ष आरक्षणाची अंमलबजावणी करण्याच्या शासन आदेशात खासगी उद्योगाचा उल्लेख नाही.  
राज्यात मराठा व मुस्लिम समाजाला शासकीय, निमशासकीय कार्यालये, महानगरपालिका, नगरपलिका, जिल्हा परिषदा, महामंडळे, मंडळे, शासकीय अनुदानप्राप्त संस्था, विद्यापीठे व सहकारी संस्थांमधील नोकऱ्यांमध्ये आरक्षण लागू करण्याचा शासन आदेश २४ जुलै रोजी काढण्यात आला आहे. हे आरक्षण अध्यादेश जारी झाल्याच्या दिनांकापासून म्हणजे ९ जुलै पासून लागू करण्यात आले आहे. त्या आधी भरतीची प्रक्रिया सुरू असेल तर, अशी प्रकरणे आरक्षणातून वगळण्यात आल्याचे नमूद करण्यात आले आहे.

 

आणखी वाचा

डोंबिवलीतील कोपरमध्ये स्थगिती आदेश देऊनही बेकायदा बांधकामाची उभारणी सुरूच; शासन, कडोंमपाचे आदेश बांधकामधारकांकडून दुर्लक्षित

Madhurima Raje : सतेज पाटील ज्यांच्यामुळे ढसाढसा रडले…

समान नागरी कायदा, ओबीसी आरक्षण; झारखंड विधानसभा निवडणुकीसाठी भाजपचा जाहीरनामा

दिवाळीत एसटी स्थानकात चोरट्यांचा सुळसुळाट; स्वारगेट एसटी स्थानकात महिलेकडील दोन लाखांचे दागिने लंपास

हमीभावाचा अर्थ व अनर्थ

अमेरिकेकडून देशातील १९ कंपन्यांवर निर्बंध; भारत सरकारची पहिली प्रतिक्रिया; म्हणाले, “या कंपन्या…”

रश्मी शुक्ला यांना महासंचालक पदावरून हटविण्याची मागणी विरोधकांकडून का होतेय? झारखंड पोलीस महासंचालकांचा संदर्भ काय?

डोंबिवली पलावातील हॉलमधील सेवकावर अशुध्द पाणी पिण्यास दिले म्हणून गुन्हा