मुंबई : मराठा आरक्षणासाठी खुल्या प्रवर्गातील नागरिकांचे सर्वेक्षण आज, मंगळवारपासून होणार आहे. पुढील तीन दिवस हे सर्वेक्षण चालणार असून त्याची जबाबदारी महापालिकेच्या कर्मचारी व अधिकाऱ्यांवर देण्यात आली आहे. रुग्णालयांतील कर्मचारी व अधिकाऱ्यांनाही हे काम करावे लागणार असल्याने आरोग्य यंत्रणेवर परिणाम होण्याची भीती आहे. तसेच शिक्षण क्षेत्रालाही याचा फटका बसू शकतो.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

हेही वाचा >>> सर्वोच्च न्यायालयाची शिंदे गटाला नोटीस; ठाकरे गटाच्या याचिकेवर दोन आठवडयांनी सुनावणी

आणखी वाचा

२३ ते २५ जानेवारी दरम्यान हे सर्वेक्षण चालणार असून त्यानंतर सलग तीन दिवस सुट्टी आहे. त्यामुळे सहा दिवस प्रशासकीय कामकाजाचा बोजवारा उडण्याची शक्यता आहे. महापालिकेच्या केईएम, नायर, शीव, कूपर या वैद्यकीय महाविद्यालयांबरोबरच उपनगरीय रुग्णालयांतील ७५ टक्के कर्मचारी व अधिकारीही तीन दिवस सर्वेक्षणाचे काम करणार आहेत. त्यामुळे तीन दिवस रुग्णालयीन कामकाजावर परिणाम होणार आहे. त्यानंतर २६ जानेवारी रोजी प्रजासत्ताक दिनाची सुट्टी व त्यानंतर चौथा शनिवार व रविवार अशा सलग तीन दिवस सुट्टया आहेत. त्यामुळे रुग्णालयाच्या कामकाजावर अतिरिक्त ताण पडण्याची भीती रुग्णालय प्रशासनाकडून वर्तविण्यात येत आहे.

शिक्षण विभागावरही परिणाम

या सर्वेक्षणामध्ये मुंबई महापालिकेच्या विविध विभागांचे सहा हजारपेक्षा अधिक अधिकारी व कर्मचाऱ्यांची नियुक्ती करण्यात आली आहे. शिक्षण विभागातील सर्वाधिक ३ हजार ५०० कर्मचाऱ्यांना या कामाला जुंपण्यात येणार असल्यामुळे महापालिका व त्यांच्याशी संलग्न शाळांतील बहुतांश शिक्षक सर्वेक्षणाच्या कामावर जातील. याचा परिणाम विद्यार्थ्यांच्या शिक्षणावर होण्याची भीती व्यक्त करण्यात येत आहे.

सर्वेक्षणातील कर्मचाऱ्यांची संख्या

कार्यकारी आरोग्य अधिकारी – १५०

केईएम रुग्णालय – ९६

शीव रुग्णालय – ८०

नायर रुग्णालय – ७०

कूपर रुग्णालय – १५

नायर दंत रुग्णालय – २०

उपनगरीय रुग्णालये – ८०

राज्यात आजपासून मराठा सर्वेक्षण केले जाणार आहे. मुंबईत महापालिका अधिकारी व कर्मचाऱ्यांना हे काम देण्यात आले आहे. यामुळे रुग्णालये व शैक्षणिक कामांवर परिणाम होण्याची शक्यता आहे.

हेही वाचा >>> सर्वोच्च न्यायालयाची शिंदे गटाला नोटीस; ठाकरे गटाच्या याचिकेवर दोन आठवडयांनी सुनावणी

आणखी वाचा

२३ ते २५ जानेवारी दरम्यान हे सर्वेक्षण चालणार असून त्यानंतर सलग तीन दिवस सुट्टी आहे. त्यामुळे सहा दिवस प्रशासकीय कामकाजाचा बोजवारा उडण्याची शक्यता आहे. महापालिकेच्या केईएम, नायर, शीव, कूपर या वैद्यकीय महाविद्यालयांबरोबरच उपनगरीय रुग्णालयांतील ७५ टक्के कर्मचारी व अधिकारीही तीन दिवस सर्वेक्षणाचे काम करणार आहेत. त्यामुळे तीन दिवस रुग्णालयीन कामकाजावर परिणाम होणार आहे. त्यानंतर २६ जानेवारी रोजी प्रजासत्ताक दिनाची सुट्टी व त्यानंतर चौथा शनिवार व रविवार अशा सलग तीन दिवस सुट्टया आहेत. त्यामुळे रुग्णालयाच्या कामकाजावर अतिरिक्त ताण पडण्याची भीती रुग्णालय प्रशासनाकडून वर्तविण्यात येत आहे.

शिक्षण विभागावरही परिणाम

या सर्वेक्षणामध्ये मुंबई महापालिकेच्या विविध विभागांचे सहा हजारपेक्षा अधिक अधिकारी व कर्मचाऱ्यांची नियुक्ती करण्यात आली आहे. शिक्षण विभागातील सर्वाधिक ३ हजार ५०० कर्मचाऱ्यांना या कामाला जुंपण्यात येणार असल्यामुळे महापालिका व त्यांच्याशी संलग्न शाळांतील बहुतांश शिक्षक सर्वेक्षणाच्या कामावर जातील. याचा परिणाम विद्यार्थ्यांच्या शिक्षणावर होण्याची भीती व्यक्त करण्यात येत आहे.

सर्वेक्षणातील कर्मचाऱ्यांची संख्या

कार्यकारी आरोग्य अधिकारी – १५०

केईएम रुग्णालय – ९६

शीव रुग्णालय – ८०

नायर रुग्णालय – ७०

कूपर रुग्णालय – १५

नायर दंत रुग्णालय – २०

उपनगरीय रुग्णालये – ८०

राज्यात आजपासून मराठा सर्वेक्षण केले जाणार आहे. मुंबईत महापालिका अधिकारी व कर्मचाऱ्यांना हे काम देण्यात आले आहे. यामुळे रुग्णालये व शैक्षणिक कामांवर परिणाम होण्याची शक्यता आहे.