लोकसत्ता प्रतिनिधी
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
मुंबई : परळ येथील सेनापती बापट मार्गावरील कमला मिल कंपाऊंडनजीकच्या टाईम्स टॉवरला शुक्रवारी सकाळी साडे सहाच्या सुमारास अचानक आग लागली. अग्निशमन दलाचे जवान आग विझविण्यासाठी प्रयत्नांची पराकाष्ठा करीत असून सुदैवाने आगीत कोणीही जखमी झाल्याची नोंद नाही.
चौदा मजली टाईम्स टॉवरच्या विद्युत यंत्रणेत बिघाड झाल्याने ही आग लागल्याचा अंदाज वर्तविण्यात येत आहे. इमारतीच्या तिसऱ्या ते सातव्या मजल्यांदरम्यान आग पसरली. विद्युत तारांच्या संपर्कात आलेल्या आगीमुळे मोठा आगडोंब उसळला. दुर्घटनेची माहिती मिळताच अग्निशमन दलाचे जवान, पोलीस, बेस्ट उपक्रम व संबंधित पालिका विभाग कार्यालयातील कर्मचारी घटनास्थळी दाखल झाले आणि मदतकार्य हाती घेतले.
दुसऱ्या मजल्यावरील दरवाजाला कुलुप असल्याने अग्निशामकांनी हातोड्याने ते तोडून आत प्रवेश केला. तसेच, कोणी अडकले नसल्याची खात्री करून आग विझविण्याचे काम सुरू केले. आगीची वाढती तीव्रता लक्षात घेऊन सकाळी ६ वाजून ३६ मिनिटांनी क्रमांक एकची वर्दी, तर ६ वाजून ४७ मिनिटांनी क्रमांक दोनची वर्दी देण्यात आली. तसेच, अग्निशमन दलातर्फे विविध अद्ययावत यंत्राच्या साहाय्याने आग विझविण्याचे काम अद्यापही सुरू आहे.
मुंबई : परळ येथील सेनापती बापट मार्गावरील कमला मिल कंपाऊंडनजीकच्या टाईम्स टॉवरला शुक्रवारी सकाळी साडे सहाच्या सुमारास अचानक आग लागली. अग्निशमन दलाचे जवान आग विझविण्यासाठी प्रयत्नांची पराकाष्ठा करीत असून सुदैवाने आगीत कोणीही जखमी झाल्याची नोंद नाही.
चौदा मजली टाईम्स टॉवरच्या विद्युत यंत्रणेत बिघाड झाल्याने ही आग लागल्याचा अंदाज वर्तविण्यात येत आहे. इमारतीच्या तिसऱ्या ते सातव्या मजल्यांदरम्यान आग पसरली. विद्युत तारांच्या संपर्कात आलेल्या आगीमुळे मोठा आगडोंब उसळला. दुर्घटनेची माहिती मिळताच अग्निशमन दलाचे जवान, पोलीस, बेस्ट उपक्रम व संबंधित पालिका विभाग कार्यालयातील कर्मचारी घटनास्थळी दाखल झाले आणि मदतकार्य हाती घेतले.
दुसऱ्या मजल्यावरील दरवाजाला कुलुप असल्याने अग्निशामकांनी हातोड्याने ते तोडून आत प्रवेश केला. तसेच, कोणी अडकले नसल्याची खात्री करून आग विझविण्याचे काम सुरू केले. आगीची वाढती तीव्रता लक्षात घेऊन सकाळी ६ वाजून ३६ मिनिटांनी क्रमांक एकची वर्दी, तर ६ वाजून ४७ मिनिटांनी क्रमांक दोनची वर्दी देण्यात आली. तसेच, अग्निशमन दलातर्फे विविध अद्ययावत यंत्राच्या साहाय्याने आग विझविण्याचे काम अद्यापही सुरू आहे.
