कुर्ल्यातील लाकडाच्या वखारींना भीषण आग

मुंबई : कुर्ला (प.) येथील लालबहादूर शास्त्री मार्गावरील लाकडाच्या वखारींना सोमवारी दुपारी भीषण आग लागली. सुदैवाने या घटनेत कोणीही जखमी झाले नाही. या आगीत लाकडाच्या पाच ते सहा वखारी जळून खाक झाल्या.

आणखी वाचा

“Get Up Papa…”, राहाचे बोबडे बोल ऐकलेत का? धावताना धडपडली अन् बाबाजवळ जाऊन…; पाहा रणबीर-राहाचा गोड व्हिडीओ

…तर औषधाची गरजच नाही! वाचा निरोगी आयुष्य जगण्यासाठी…

लोकजागर: शून्य शहर!

पुणे : कोंढव्यातील नताशा एनक्लेव्ह सोसायटीत आग, रहिवासी बाहेर पडल्याने बचावले

नाशिकमध्ये एक लाखाचा नायलाॅन मांजा जप्त

कुर्ल्यातील उपाहारगृहात भीषण आग

कॅलिफोर्नियातील वणव्यात १० ठार

‘या’ छोट्या टिप्स फॉलो केल्यास चोर तुमची कार कधीही चोरणार नाही

आणखी वाचा-मुंबई : वर्षाच्या पहिल्याच दिवशी मध्य रेल्वेचा खोळंबा

लालबहादूर शास्त्री मार्गावरील कुर्ला गार्डन परिसरातील लाकडाच्या एका वखारीला सोमवारी दुपारी २.१५ च्या सुमारास आग लागली. वखारीमधील कर्मचाऱ्यांनी तत्काळ आग विझवण्याचा प्रयत्न केला. मात्र लाकडांमुळे आगीचा भडका उडाला. कर्मचाऱ्यांनी तत्काळ आगीची माहिती अग्निशमन दलाला दिली. अग्निशमन दलाच्या चार गाड्या तातडीने घटनास्थळी दाखल झाल्या. मात्र तोपर्यंत आगीने अक्राळविक्राळ रूप धारण केले होते. अन्य चार – पाच गोदामे आगीच्या विळख्यात अडकली. अग्निशमन दलाच्या जवानांनी प्रयत्नांची पराकाष्ठा करीत आगीवर नियंत्रण मिळविले. या दुर्घटनेत कोणीही जखमी झाले नाही. मात्र आगीत लाकडाच्या पाच ते सहा वखारी भस्मसात झाल्या.