राज्यातील वैद्यकीय महाविद्यालयांची लवकरच तपासणी करणार

मुंबई : वैद्यकीय महाविद्यालयांनी २०२५-२६ या शैक्षणिक वर्षात पदवी व पदव्युत्तर पदवी अभ्यासक्रम व नवीन वैद्यकीय महाविद्यालय सुरू करण्यासाठी राष्ट्रीय आयुर्विज्ञान आयोगाकड मोठ्या प्रमाणात अर्ज केले आहेत. त्यामुळे या वैद्यकीय महाविद्यालयांमध्ये विद्यार्थ्यांना पुरविण्यात येणाऱ्या सोयी-सुविधा, उपलब्ध प्राध्यापक संख्या, उपकरणे व साहित्य यांची तपासणी करण्याचा निर्णय राष्ट्रीय आयुर्विज्ञान आयोगाने घेतला असून, वैद्यकीय मूल्यांकन आणि क्रमवारी मंडळाने ही तपासणी प्रक्रिया लवकरच सुरू करण्याचा निर्णय घेतला आहे. ही प्रक्रिया योग्य वेळेत सुरू करण्यासाठी मूल्यांकन करण्याकरीता सरकारी वैद्यकीय महाविद्यालयातील प्राध्यापकांना नोंदणी करण्याचे आवाहन राष्ट्रीय आयुर्विज्ञान आयोगाकडून करण्यात आले आहे.

आणखी वाचा

लाडक्या बहीण योजनेसाठी इतर कोणत्याही विभागाचा निधी वळविण्यात आलेला नाही – मंत्री आदिती तटकरे

‘मायक्रो-रिटायरमेंट’ म्हणजे काय? तरुणांमध्ये का वाढतोय हा ट्रेंड?

‘सीए’ अभ्यासक्रमाच्या परीक्षेचा निकाल जाहीर, ११ हजार ५०० विद्यार्थी ‘सीए’ म्हणून पात्र

डॉक्टरांविरोधातील तक्रारींचा निपटारा करण्यात एमएमसीला यश, तक्रारींची संख्या १,७०० वरून ६०० वर

एमपीएससीच्या तेवीस परीक्षांसाठी पुन्हा अर्जाची संधी, तुम्ही अर्ज केला नसेल तर…

राज्यात पाचवी, आठवीचे किती विद्यार्थी अनुत्तीर्ण?

वेदनाविरहित वैद्यकीय उपचारासाठी सुई विरहित शॉक सिरिंज; आयआयटी मुंबईचे संशोधन

टीएमटी चालकांची सकाळ संध्याकाळ तपासणी;  चालकांसाठी सुचनांची यादी

भारतातील वैद्यकीय शिक्षणाची गुणवत्ता सुनिश्चित करण्यासाठी आणि वाढविण्यासाठी वैद्यकीय महाविद्यालयांची तपासणी ही एक महत्त्वाची प्रक्रिया आहे. राष्ट्रीय आयुर्विज्ञान आयोगामार्फत ही प्रक्रिया राबविण्यात येते. त्यानुसार २०२५-२६ या शैक्षणिक वर्षामध्ये नवीन वैद्यकीय महाविद्यालय आणि पदवी व पदव्युत्तर पदवी वैद्यकीय अभ्यासक्रमांच्या जागा वाढविण्याबाबत अर्ज केलेल्या विविध वैद्यकीय महाविद्यालयांची राष्ट्रीय आयुर्विज्ञान आयोगाच्या वैद्यकीय मूल्यांकन आणि क्रमवारी मंडळाकडून अचानक तपासणी करण्यात येणार आहे. यामध्ये वैद्यकीय महाविद्यालयांमध्ये विद्यार्थ्यांना पुरविण्यात येणाऱ्या सोयी-सुविधा, विद्यावेतन, उपलब्ध प्राध्यापक संख्या, उपलब्ध उपकरणे व साहित्य, रुग्णालयातील खाटा, प्रयोगशाळा, ग्रंथालय, वसतिगृह, उपहारगृह यासह विविध सुविधांची तपासणी करण्यात येणार आहे. ही तपासणी प्रक्रिया लवकरच सुरू करण्याचा निर्णय वैद्यकीय मूल्यांकन आणि क्रमवारी मंडळाने घेतला आहे.

आणखी वाचा-अनुयायांच्या विश्रांतीसाठी रेल्वे स्थानकात सुविधा, एकाचवेळी १० हजार अनुयायी थांबण्याची व्यवस्था

तपासणी प्रक्रिया योग्य वेळेत व्हावी यासाठी शासकीय वैद्यकीय महाविद्यालयातील प्राध्यापकांची नियुक्ती करण्याचा निर्णय आयोगाने घेतला आहे. वैद्यकीय महाविद्यालयांचे मूल्यमापन करण्यासाठी वैद्यकीय महाविद्यालयातील प्राध्यापकांनी १५ दिवसांत अर्ज करावे, अशी सूचना आयोगाने वैद्यकीय महाविद्यालयाचे अधिष्ठात्यांना केली आहे. त्यानुसार वैद्यकीय मूल्यांकन आणि क्रमवारी मंडळाच्या संकेतस्थळावर गुगल अर्जाची लिंक प्राध्यापकांसाठी उपलब्ध करण्यात आली आहे. ही लिंक भरून प्राध्यापकांना अर्ज करण्याचे आवाहन राष्ट्रीय आयुर्विज्ञान आयोगाने केले आहे.

राष्ट्रीय आयुर्विज्ञान आयोगाकडून करण्यात आलेल्या तपासणीमध्ये नियमानुसार सोयी-सुविधा व पायाभूत सुविधा उपलब्ध नसल्यास संबंधित वैद्यकीय महाविद्यालयाला मान्यता नाकारली जाऊ शकते किंवा जागा वाढीसंदर्भातील त्या वैद्यकीय महाविद्यालयाचा अर्ज फेटाळाला जाऊ शकतो. त्यामुळे मान्यता मिळविण्यासाठी वैद्यकीय महाविद्यालयांना सज्ज राहावे लागणार आहे.