मुंबई : मध्य आणि पश्चिम रेल्वेवरील विविध अभियांत्रिकी आणि देखभालीची कामे करण्याकरिता रविवारी मेगाब्लाॅक घेण्यात आला आहे. ब्लॉक कालावधीत सीएसएमटी -कुर्ला आणि पनवेल – वाशी दरम्यान विशेष लोकल चालवविण्यात येणार आहेत. ब्लॉक कालावधीत हार्बर मार्गावरील प्रवाशांना ठाणे ते वाशी / नेरुळ स्थानकावरून सकाळी १० ते सायंकाळी ६ वाजेपर्यंत प्रवास करण्याची परवानगी आहे.
मध्य रेल्वे
मुख्य मार्ग
कुठे : सीएसएमटी – विद्याविहार अप आणि डाऊन धीम्या मार्गावर
कधी : सकाळी १०.५५ – दुपारी ३.२५ वाजेपर्यंत
परिणाम : ब्लाॅक कालावधीत सीएसएमटी – विद्याविहारदरम्यान धीम्या मार्गावर धावणाऱ्या लोकल जलद मार्गावर धावतील. या लोकल भायखळा, परळ, दादर, माटुंगा, शीव आणि कुर्ला स्थानकावर थांबतील आणि पुढे धीम्या मार्गावर वळवण्यात येतील.
हेही वाचा : वडाळा – परळदरम्यानच्या जलबोगद्याचे खणन पूर्ण, प्रकल्प पूर्ण होण्यास एप्रिल २०२६ ची मुदत
हार्बर मार्ग
कुठे : सीएसएमटी- चुनाभट्टी/वांद्रे अप आणि डाऊन मार्गावर
कधी : सकाळी ११.४० – दुपारी ४.४० वाजेपर्यंत
परिणाम : ब्लाॅक कालावधीत सीएसएमटी- चुनाभट्टी / वांद्रे अप आणि डाऊन लोकल, सीएसएमटी / वडाळा ते वाशी / बेलापूर / पनवेल अप आणि डाऊन लोकल, सीएसएमटी ते वांद्रे / गोरेगाव लोकल रद्द रद्द करण्यात येणार आहेत.
पश्चिम रेल्वे
कुठे : माहीम – गोरेगाव अप आणि डाऊन मार्गावर
कधी : सकाळी ११ – दुपारी ४ वाजेपर्यंत
परिणाम : ब्लाॅक कालावधीत सीएसएमटी – वांद्रे, सीएसएमटी / पनवेल – गोरेगाव आणि चर्चगेट – गोरेगाव दरम्यानच्या काही लोकल रद्द करण्यात येणार आहेत.
