हार्बर मार्गावर १२ डब्यांच्या गाडय़ा चालाव्यात यासाठी मुंबई रेल्वे विकास प्राधिकरणातर्फे मुंबई छत्रपती शिवाजी टर्मिनस(सीएसटी) येथे शुक्रवारी सकाळपासून ७२ तासांचा महा-मेगाब्लॉक सुरू झाला आहे. आज दिवसभर हार्बर मार्गावरील ५९० फेऱ्यांपैकी १४८ म्हणजेच १८ टक्के फेऱ्या रद्द करण्यात आल्या आहेत. त्यामुळे प्रवाशांना गर्दीचा सामना करावा लागत आहे. शनिवार-रविवार पूर्ण दिवस आणि सोमवारी ब्लॉक संपेपर्यंत हार्बर मार्गावरील गाडय़ा वडाळा ते सीएसटी यांदरम्यान पूर्णपणे बंद राहतील. मात्र प्रवाशांच्या सोयीसाठी रविवारी मुख्य मार्गावर कोणताही मेगाब्लॉक न घेता गाडय़ा चालवण्यात येणार आहेत.
