मुंबई : मध्य रेल्वेच्या अख्यारितील हार्बर मार्गावरील विविध अभियांत्रिकी कामे, ओव्हर हेड वायर, रेल्वे रूळ, सिग्नल यंत्रणा यांची देखभाल-दुरूस्ती करण्यासाठी रविवारी ब्लाॅक घेण्यात येणार आहे. माक्ष, पश्चिम रेल्वेवरील रविवारी मेगाब्लाॅक नसेल. त्यामुळे पश्चिम रेल्वेच्या प्रवाशांची मेगाब्लाॅकपासून सुटका झाली आहे.
हार्बर मार्ग
कुठे : कुर्ला – वाशी अप आणि डाऊन मार्गावर
कधी : सकाळी ११.१० ते दुपारी ४.१० वाजेपर्यंत
हेही वाचा – मुंबई: चेंबूरमधील मंदिरात भीषण आग
परिणाम : ब्लाॅक कालावधीत सीएसएमटी ते वाशी / बेलापूर / पनवेल अप आणि डाऊन मार्गावरील लोकल सेवा रद्द करण्यात येणार आहेत. तर, ब्लाॅक कालावधीत सीएसएमटी ते कुर्ला आणि पनवेल ते वाशी दरम्यान विशेष लोकल सेवा चालवण्यात येणार आहेत. ब्लाॅक कालावधीत हार्बर मार्गावरील प्रवाशांना ठाणे – वाशी / नेरूळ स्थानकांदरम्यान सकाळी १० ते सायंकाळी ६ वाजेपर्यंत प्रवास करण्याची परवानगी देण्यात आली आहे.
