Messiah For Poor Mumbai Newspaper Vendor Recalls Ratan Tata

Ratan Tata: तब्बल दोन दशक रतन टाटा यांच्या निवासस्थानी वर्तमानपत्र टाकणाऱ्या ऋषिकेश सिंहने त्यांचे अंतिम दर्शन घेत असताना जुन्या आठवणींना उजाळा दिला.

रतन टाटा यांच्या घरी वर्तमानपत्र टाकणाऱ्या व्यक्तीने सांगितली आठवण.

Ratan Tata: प्रसिद्ध उद्योगपती रतन टाटा यांच्या निधनामुळे देशभरात शोककळा पसरली. गुरुवारी अतिशय दुःखद वातावरणात रतन टाटा यांच्या पार्थिवावर शासकीय इतमामात वरळीतील स्मशानभूमीत अंत्यसंस्कार करण्यात आले. यावेळी रतन टाटा यांना श्रद्धांजली वाहण्यासाठी राजकारणी, उद्योगपती, सेलिब्रिटी आणि त्यांना माननारे सामान्य लोक मोठ्या संख्येने वरळी येथे उपस्थित होते. यावेळी ऋषिकेश सिंह नावाचा ३९ वर्षीय वर्तमानपत्र विक्रेताही तिथे उपस्थित होता. ऋषिकेश सिंह २० वर्ष रतन टाटा यांच्या निवासस्थानी वर्तमानपत्र पोहोचते करण्याचे काम करत होता. टाटा रोज १४ वर्तमानपत्र घेत असल्याची आठवण ऋषिकेशने सांगितली. तसेच त्याच्या अडचणीच्या काळात त्यांनी त्याला कशी मदत केली, याचीही माहिती त्याने दिली.

पीटीआय वृत्तसंस्थेशी बोलत असताना ऋषिकेश सिंह म्हणाला, “रतन टाटा हे चांगले व्यक्ती होते. गरीबांचे तर ते कैवारी होते.” रतन टाटा यांच्या कुलाबा येथील बख्तावर इमारतीमध्ये २००१ पासून वर्तमानपत्र देण्याचे काम ऋषिकेश करत होता. त्यानंतर टाटा शेजारीच असलेल्या बंगल्यात स्थलांतरीत झाले होते.

आणखी वाचा

विश्लेषण: पत्राचाळ पुनर्विकास प्रकल्प अखेर मार्गी लागणार… विलंब का? लाभ कुणाला मिळणार?

Nana Patole : निकालाआधी राजकीय घडामोडींना वेग; यातच…

“आधी मणिपूर ‘सेफ’ करा आणि मग…”; उद्धव ठाकरेंच्या शिवसेनेचं मोदी सरकारवर टीकास्र!

Madhukar Kukde returns to BJP after 10 years

तब्बल १० वर्षांनंतर मधुकर कुकडे यांची भाजपात घरवापासी

Loksatta lokrang Birth centenary year of Dr Wankhade pioneer of Dalit literary movement

दलित साहित्य चळवळीचे प्रवर्तक

Marathi drama Gosht Sanyukt Manapmanachi plays review

नाट्यरंग : गोष्ट संयुक्त मानापमानाची ; सम समा संयोग की जाहला…

राहुल गांधी नागपुरात आले आणि…टमाटरने सजवलेल्या तर्री पोह्यांसाठी थेट….

हे वाचा >> Video: …अन् रतन टाटा यांच्या पार्थिवाजवळ जाऊन बसला त्यांचा पाळीव श्वान, शांतनूने सांभाळलं; पाहा व्हिडीओ

ऋषिकेश सिंह म्हणाला की, मी सकाळी वर्तमानपत्र पोहोचते केल्यानंतर रतन टाटा बंगल्यातील हिरवळीवर बसून वर्तमानपत्र वाचायचे. माझ्याकडे बघून नेहमीच ते स्मितहास्य करत असत. कधी कधी ते माझी विचारपूस करायचे. त्यांचा तो प्रेमळ संवाद माझ्या मनावर कायमचा कोरला गेला आहे.

कर्करोगाच्या उपचारासाठी केली मदत

ऋषिकेश सिंहच्या एका नातेवाईकाला काही दिवसांपूर्वी कर्करोगाचे निदान झाले होते. याची माहिती ऋषिकेशने रतन टाटा यांना दिल्यानंतर त्यांनी तात्काळ त्याला मदत केली. टाटा मेमोरियल केंद्राकडून लवकर उपचार व्हावेत, यासाठी त्यांनी पत्र लिहिले. तसेच ऋषिकेशला पाच लाख रुपयांची मदत दिली.

हे ही वाचा >> रतन टाटा तरुणपणी कसे दिसायचे? पाहा त्यांचे ‘हे’ १० दुर्मिळ फोटो अन् त्यामागच्या आठवणी

करोना महामारीने सर्व बदलले

करोना महामारीदरम्यान रतन टाटा यांचे वाचन कमी झाले, असे ऋषिकेश सिंहने सांगितले. करोना महामारीदरम्यान टाटा यांनी १४ वृत्तपत्र घेणे बंद केले. या काळात ते केवळ दोन वृत्तपत्र वाचत होते. तेही त्यांना टाटा ग्रुपच्या ताजमहल हॉटेलमधून एका कागदाच्या पिशवीतून येत असत. गुरुवारी (दि. १० ऑक्टोबर) ऋषिकेशने आपल्या वृत्तपत्र डिलिव्हरीचे काम झाल्यानंतर कुलाबा येथील टाटांच्या निवासस्थानी धाव घेतली. याठिकाणी जमलेल्या शेकडो लोकांमध्ये तोही सामील झाला.

याच गर्दीत हुसैन शेख (५७) नावाचा व्यक्तीही होता. टाटा यांच्या मर्सिडीज गाडीची साफसफाई करण्याचे काम शेख अनेकवर्षांपासून करत होता. हुसैन शेखच्या मुलीच्या लग्नासाठी रतन टाटा यांनी ५०,००० रुपये दिले होते.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Messiah for poor mumbai newspaper vendor recalls ratan tata kvg