मेट्रो ३ : आरे ते बीकेसी टप्पा दसऱ्यापूर्वी वाहतूक सेवेत, ऑक्टोबरच्या पहिल्या आठवड्यात नरेंद्र मोदींच्या हस्ते लोकार्पण

मुंबई महानगर प्रदेश विकास प्राधिकरणाच्या (‘एमएमआरडीए’) ३३७ किमी लांबीच्या मेट्रो प्रकल्पातील ‘कुलाबा – वांद्रे – सीप्झ’ या ३२.५ किमीच्या ‘मेट्रो ३’ मार्गिकेचे काम ‘एमएमआरसी’ करीत आहे. कारशेडचा वाद आणि अन्य काही तांत्रिक कारणांमुळे ही मार्गिका रखडली आहे. या मार्गिकेतील आरे – बीकेसी या १२.६ किमी लांबीच्या टप्प्यातील मार्गिकेचे बांधकाम पूर्ण झाले आहे. ही मार्गिका वाहतूक सेवेत दाखल करण्याच्या दृष्टीने अत्यंत महत्त्वाच्या आणि अंतिम प्रक्रियेस ‘एमएमआरसी’ने सुरुवात केली आहे.

आणखी वाचा

मुंबई विमानतळावरून पावणेतीन कोटींचे सोने जप्त, दोन कर्मचाऱ्यांना अटक

Devendra Fadnavis Income : उपमुख्यमंत्र्यांची एकूण संपत्ती किती?…

पंतप्रधानांच्या दौऱ्यानिमित्त शहरात वाहतूक बदल; स. प. महाविद्यालय परिसरातील रस्ते वाहतुकीस बंद

माथेरानच्या राणीचा ‘विस्टाडोम’विनाच प्रवास

कोकण मार्गावरील एक्सप्रेसला जोडले जाणार एलएचबी डबे, प्रवाशांच्या सुरक्षेत होणार भर

काँग्रेसला ओबीसी आरक्षण संपवायचे -मोदी

Video: दाक्षिणात्य सुपरस्टार राम चरण अनवाणी पायाने पोहोचला एअरपोर्टवर, ४१ दिवस करणार ब्रह्मचर्याचं पालन; काय असतं जाणून घ्या…

महामार्गावर मालवाहतूक वाहनाला भीषण आग, मालजीपाडा वासमाऱ्या पुलाजवळील घटना

हेही वाचा – मुंबई : हार्बर मार्ग विस्कळीत

मेट्रो आयुक्त, मेट्रो रेल्वे सुरक्षा (‘सीएमआरएस’) यांच्याकडून सुरक्षा प्रमाणपत्र घेण्याची ही प्रक्रिया असून सुरक्षा प्रमाणपत्र मिळाल्यानंतरच मेट्रो वाहतूक सेवेत दाखल करता येणार आहे. दरम्यान, सुरक्षा प्रमाणपत्र प्रक्रियेस विलंब झाल्याने ‘मेट्रो ३’च्या पहिल्या टप्प्याची प्रतीक्षा लांबली होती. आता डब्यांची, मेट्रो गाड्यांची, रुळांची (रोलिंग स्टाॅक) चाचणी ‘सीएमआरएस’ने पूर्ण केल्याची माहिती ‘एमएमआरसी’मधील वरिष्ठ अधिकाऱ्यांनी दिली. आता मेट्रो मार्गिका, स्थानकांतील उद्वाहक, इतर सुविधा, विविध यंत्रणांची चाचणी करण्यात येणार आहे. सुरक्षा प्रमाणपत्र घेण्याची प्रक्रिया अंतिम टप्प्यात असून लवकरच हे प्रमाणपत्र मिळण्याची शक्यता आहे. पहिला टप्पा वाहतूक सेवेत दाखल करण्याच्या हालचाली सुरू झाल्याची माहितीही अधिकाऱ्यांनी दिली.

‘मेट्रो ३’ मार्गिकेतील पहिल्या टप्प्याच्या लोकार्पणासाठी ‘एमएमआरसी’ने नुकतीच पंतप्रधान कार्यालयाकडे वेळ मागितली होती. त्यानुसार ऑक्टोबरच्या पहिल्या आठवड्यातील तीन तारखा कळविण्यात आल्याचे सूत्रांनी सांगितले. ३, ४ आणि ५ ऑक्टोबर या तारखा देण्यात आल्याचे समजते. त्यापैकी ४ ऑक्टोबर ही तारीख निश्चित होण्याची शक्यता अधिक आहे. ‘मेट्रो ३’ मार्गिकेतील पहिल्या टप्प्याच्या लोकार्पणासह महाराष्ट्र राज्य रस्ते विकास महामंडळाच्या (‘एमएसआरडीसी’) ठाणे खाडी पूल – ३ प्रकल्पातील दक्षिणेकडील, मुंबई – पुणे मार्गिकेचेही लोकार्पण होण्याचीही शक्यता आहे.

हेही वाचा – म्हाडाच्या मुंबई मंडळाच्या घरांचे अर्ज करणाऱ्यांसाठी महत्वाची बातमी! अर्ज भरण्यासाठीची मुदत १२ तासांनी वाढवली

‘सीएमआरएस’ चाचण्यांची प्रक्रिया सध्या सुरू आहे. मेट्रो गाड्या, डब्बे, रुळांची (रोलिंग स्टाॅक) सीएमआरएस चाचणी पूर्ण झाली आहे. आता इतर सुविधा, यंत्रणांच्या ‘सीएमआरएस’ चाचणीसाठी ‘सीएमआरएस’ला आमंत्रित केले जाणार आहे. ही चाचणी पूर्ण होऊन सुरक्षा प्रमाणपत्र मिळाल्यानंतर टप्पा – १ वाहतूक सेवेत दाखल केला जाईल. – अश्विनी भिडे, व्यवस्थापकीय संचालक, ‘एमएमआरसी’