मुंबई : ‘कुलाबा – वांद्रे – सीप्झ भुयारी मेट्रो ३’ मार्गिकेवरून प्रवास करण्याची मुंबईकरांची प्रतीक्षा लवकरच संपण्याची शक्यता आहे. ‘मेट्रो ३’वरील १२.६ किमी लांबीच्या आरे – बीकेसी टप्प्याच्या मार्गिकेसाठी मेट्रो आयुक्त, मेट्रो रेल्वे सुरक्षा (सीएमआरएस) यांच्याकडून सुरक्षा प्रमाणपत्र घेण्याची प्रक्रिया अंतिम टप्प्यात आली असून येत्या काही दिवसांत मुंबई मेट्रो रेल काॅर्पोरेशनला (‘एमएमआरसी’) सुरक्षा प्रमाणपत्र मिळण्याची शक्यता आहे. दुसरीकडे पहिल्या टप्प्याचे लोकार्पण करण्यासाठी ‘एमएमआरसी’ला पंतप्रधान कार्यालयाकडून ऑक्टोबरच्या पहिल्या आठवड्यातील तीन तारखा देण्यात आल्या आहेत. लवकरच यापैकी एक दिवस निश्चित करून आरे – बीकेसी टप्प्याचे लोकार्पण करण्यात येणार आहे. त्यादृष्टीने हालचाली सुरू झाल्या आहेत. एकूणच दसऱ्यापूर्वी भुयारी मेट्रोतून प्रवास करण्याचे मुंबईकरांचे स्वप्न पूर्ण होण्याची शक्यता आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
