अर्जविक्री-स्वीकृतीला १९ एप्रिलपर्यंत मुदतवाढ; म्हाडा कोकण मंडळ सोडत

कोकण मंडळाच्या २६०६ (१४ भूखंडांसह) घरांच्या सोडतीसाठीच्या अर्जविक्री-स्वीकृतीला ८ मार्चपासून सुरुवात झाली आहे. प्रथम येणाऱ्यास प्रथम प्राधान्य योजनेतील २०४८ घरांसाठीच्या अर्जविक्री-स्वीकृतीला १७ मार्चपासून सुरुवात झाली आहे. अर्ज भरण्याची मुदत १० एप्रिलला तर अनामत रकमेसह अर्ज सादर करण्याची मुदत १२ मार्चला संपुष्टात येणार होती. पण आता मात्र अर्ज भरण्याची मुदत १९ एप्रिलला तर अनामत रकमेसह अर्ज सादर करण्याची मुदत २१ एप्रिलला संपणार आहे. या दोन्ही प्रक्रियांसाठी मुदतवाढ देण्यात आली आहे.

आणखी वाचा

जनगणना पुढील वर्षी; पुढील लोकसभा निवडणूक मतदारसंघ पुनर्रचनेनंतर घेण्याचा विचार

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

Maharashtra Assembly Election 2024 : महायुती, मविआने आतापर्यंत किती उमेदवार जाहीर केले? ‘इतक्या’ जागांवरील तिढा बाकी, उमेदवारी अर्ज भरण्यास ३० तास बाकी!

नियम डावलून ‘एमपीएससी’मध्ये प्रतिनियुक्ती? माहिती अधिकार अर्जाला काय दिले उत्तर?

फराळाचे साहित्य महागले

आदिती तटकरेंची मालमत्ता तीन कोटींनी वाढली, श्रीवर्धन मधून उमेदवारी अर्ज दाखल

पीएमआरडीएच्या घरांना प्रतिसाद; सदनिकेसाठी १ हजार ९३२ नागरिकांची नोंदणी

विश्लेषण : एप्रिलमध्ये सुट्टी नाही, मे महिन्यात गृहपाठ… राज्यमंडळाच्या शाळांचे वेळापत्रकही सीबीएसईप्रमाणे?

सोडतीला खूपच कमी प्रतिसाद मिळाल्याने कोकण मंडळाने अर्जविक्री-स्वीकृतीला मुदतवाढ दिली आहे. यापूर्वी ऑक्टोबर २०११ मध्ये काढण्यात आलेल्या ८९८४ घरांच्या सोडतीला प्रचंड प्रतिसाद मिळाला होता. त्यावेळी घरांसाठी तब्बल दोन लाख ४६ हजार अर्ज सादर झाले होते. मात्र त्यावेळी अर्जदारांना निवासी दाखल्यासह इतर कागदपत्रे, अर्ज भरताना सादर करावी लागत नव्हती. त्यामुळे प्रतिसाद मिळत होता. पण आता नव्या सोडत प्रक्रियेनुसार कागदपत्रे आधीच द्यावी लागत असल्याने इच्छुकांसाठी ही मोठी अडचण ठरत आहे. त्यामुळेच १० मे रोजी होणाऱ्या सोडतीला कमी प्रतिसाद मिळाला.

कमी प्रतिसाद

८ मार्च ते ३ एप्रिलपर्यंत (सायंकाळी ७.३० वाजेपर्यंत) १२ हजार ३६० अर्ज अनामत रकमेसह सादर झाले आहेत. तर २२ हजार ३८० जणांनी अर्ज भरले आहेत. हा प्रतिसाद कमी असल्याने आणि अनेकांना कागदपत्रे मिळण्यास वेळ लागत असल्याने अर्जविक्री-स्वीकृतीला मुदतवाढ देण्यात आली आहे. लवकरच यासंबंधीची अधिकृत घोषणा कोकण मंडळाकडून केली जाणार आहे.