मंत्रालयातील लिपिकाला मारहाणीचे प्रकरण : बच्चू कडू यांची निर्दोष सुटका

मुंबई : मंत्रालयात जाऊन आरोग्य विभागातील लिपिकाला मारहाण केल्याच्या आरोप प्रकरणातून प्रहार जनशक्ती पक्षाचे प्रमुख बच्चू कडू यांची विशेष न्यायालयाने शुक्रवारी निर्दोष सुटका केली.

आणखी वाचा

Kuldeep Sengar Bail : उन्नाव बलात्कार प्रकरणातील दोषी कुलदीप सेंगरला अंतरिम जामीन, AIIMS मध्ये होणार शस्त्रक्रिया

Malasian Airlines: बेपत्ता MH370 चा शोध; पुण्यातील प्रल्हाद…

मुंबई : आरोपीचा न्यायालातून पळून जाण्याचा प्रयत्न, गुन्हा दाखल

कल्याण जिल्हा न्यायालयात आरोपीला पळण्यासाठी प्रयत्न करणाऱ्या इसमावर गुन्हा

विकासकाकडून दहा कोटींची खंडणी मागण्याचे प्रकरण : छोटा राजन टोळीच्या दोघांना सत्र न्यायालयातून अटकपूर्व जामीन

Tahawwur Rana Extradiction: मुंबई हल्ल्यातील दहशतवादी तहव्वूर राणाला भारताच्या ताब्यात देण्यास अमेरिकेच्या सर्वोच्च न्यायालयाची परवानगी

प्रशासन राज आणि चुकलेला ‘अंदाज’

आरोपींनाही गोपनीयतेचा मूलभूत अधिकार आहेच!

वैद्यकीय अधिकारी म्हणून नियुक्ती झालेल्या उमेदवाराकडून पैशांची मागणी केल्याप्रकरणी कडू यांनी मंत्रालयातील सार्वजनिक आरोग्य विभागाच्या कार्यालयात जाऊन लिपिकाला कानशिलात लगावली होती. तसेच, त्याला हाताला धरून तत्कालीन आरोग्य मंत्री सुरेश शेट्टी यांच्या स्वीय सचिवाच्या दालनात खेचत नेले होते. जानेवारी २०११ मध्ये ही घटना घडली होती. आपला वैद्यकीय अधिकाऱ्यांच्या नियुक्तीशी काहीही संबंध नसताना कडू यांनी आपल्याला मारहाण केल्याचा दावा करून तक्रारदार लिपिकाने मरीन ड्राईव्ह पोलिसांत कडू यांच्याविरोधात तक्रार दाखल केली होती. या प्रकरणी कडू यांच्यावर सरकारी कर्मचाऱ्याला मारहाण करणे, त्याला काम करण्यापासून परावृत्त करणे आदी आरोपांप्रकरणी खटला चालवण्यात आला.

आणखी वाचा-मध्य रेल्वे मार्गावर रविवारी ब्लॉक

आमदार – खासदारांवरील खटल्यांसाठी स्थापन विशेष न्यायालयाचे न्यायाधीश ए. यू. कदम यानी या प्रकरणी शुक्रवारी निकाल देताना कडू यांची त्यांच्यावरील आरोपांतून निर्दोष सुटका केली. न्यायालयाच्या निकालाची प्रत रात्री उशिरापर्यंत उपलब्ध झाली नव्हती.