आमदार महेंद्र दळवी यांची आमदारकी कायम; उच्च न्यायालयाकडून शिक्षा निलंबित

तत्पूर्वी, दळवी यांना दोषी ठरवण्याच्या आणि शिक्षा सुनावण्याच्या कनिष्ठ न्यायालयाच्या निर्णयाला स्थगिती देण्याची मागणी दळवी यांनी केली होती. तसे न केल्यास दळवी यांची आमदारकी धोक्यात येऊ शकते, असा युक्तिवादही वरिष्ठ वकील राजा ठाकरे आणि प्रदीप घरत यांनी केला होता.दुसरीकडे, दळवी यांच्या या मागणीला मूळ तक्रारदार लालासाहेब यांची बाजू मांडणारे वकील संजीव कदम यांनी विरोध केला. फौजदारी प्रकरणात एखादा आमदार किंवा खासदार त्याच्यावरील आरोपांत दोषी ठरला आणि तुरुंगवासाची शिक्षा झाली तर तो आमदारकी किंवा खासदारकी गमावत असल्याचा दावाही कदम यांनी केला होता.