मुंबईत पावसाचा कहर सुरूच असून जनजीवन पुन्हा विस्कळीत झालं आहे. १९ ते २३ जुलै रोजी हवामान विभागाने महाराष्ट्रात जोरदार पावसाचा इशारा दिला आहे. संपूर्ण कोकण आणि मध्य महाराष्ट्रातील काही भागात आज रेड अलर्ट जारी करण्यात आला आहे. तर काही भागांत डी २,३ स्वरुपाचा ऑरेंज अलर्ट जारी केला आहे. गेल्या २४ तासांत सकाळी साडेआठ वाजल्यापासून मुंबईच्या सांताक्रूझमध्ये ७० मिमी पावसाची नोंद झाली. मात्र, उपनगराच्या ठाणे आणि इतर भागात २५५ मिमी नोंद करत पावसाने जोरदार हजेरी लावली. हवामान तज्ज्ञांच्या म्हणण्यानुसार, येत्या २४ ते ४८ तासांत मुंबईत आणखी जास्त पाऊस पडण्याची शक्यता आहे. असं असताना आता या पावसावरून चांगलंच राजकारण तापलं आहे. आमदार नितेश राणे यांनी ट्वीट करत सेलिब्रिटींना धारेवर धरलं आहे. मुंबईवर संकट ओढावलं असताना सेलिब्रिटी कुठे आहेत?, असा प्रश्न आमदार नितेश राणे यांनी उपस्थित केला आहे.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
