“मंदिरं बंदच राहणार, हा उद्धव ठाकरेंचा ‘नया’ महाराष्ट्र”; नितेश राणेंची टीका

यापुर्वी देखील भाजपाने लोकांना धार्मिक स्थळांमध्ये प्रवेश दिला जात नसल्याबद्दल ठाकरे सरकारवर टीका केली होती. सरकार धार्मिक स्थळे उघडत नाही, पण दारूची दुकाने उघडण्यात आली आहेत. त्यांनी धर्मापेक्षा मद्यविक्रीला प्राधान्य दिले, अशी टीका भाजपाने केली होती.

दरम्यान, “हिंदू धर्माला आव्हान देणारं सरकार महाराष्ट्रात आहे, अशी टीका नितेश राणे यांनी केली आहे. नितेश राणे म्हणाले, “महाराष्ट्रात मंदिर बंदच राहणार, कारण हिंदू धर्माला आव्हान देणारे सरकार महाराष्ट्रात आहे. हिंदू हो… तो डर के रहो.. ये है उद्धव का “नया” महाराष्ट्र !!, असे ट्विट नितेश राणे यांनी केले आहे.”

महाराष्ट्रात मंदिर बंदच राहणार!!
कारण..
हिंदू धर्माला आव्हान देणारे सरकार महाराष्ट्रात आहे..
हिंदू हो..
तो डर के रहो..
ये है उद्धव का “नया” महाराष्ट्र !!

— nitesh rane (@NiteshNRane) August 18, 2021

यापुर्वी देखील नितेश राणेंनी ठाकरे सरकारवर निशाणा साधला होता. “लोकल चालू ..१७ ऑगस्ट पासून शाळा चालू… मग दोन डोस घेतलेल्यांना मंदिर दर्शन का नाही ? हे सरकार नाक दाबल्या शिवाय काहीच करत नाही का ? हिंदूवर अन्याय करणे हा महाविकास आघाडीचा “किमान समान कार्यक्रम” झाला आहे !” अशा शब्दांमध्ये भाजपा नेते नितेश राणे यांनी ट्विटकरत महाविकासआघाडी सरकावर टीका केली होती.