“काही लोक जेलमध्ये सकाळची पत्रकार परिषद घ्यायची परवानगी मागतील”, मनसेची खोचक पोस्ट चर्चेत, टोला नेमका कुणाला?

“संजय राऊतांनी आता एकांतात…”, राज ठाकरेंचा खोचक सल्ला; नकलांबाबत मारलेल्या टोमण्यावर दिलं प्रत्युत्तर!

जेल मध्ये गेल्यावर काही लोक घरचं जेवण मागतात, काहींना पुस्तकं लागतात, काहींना औषध लागतात. मात्र, यापुढे काही लोक जेलमध्ये सकाळची पत्रकार परिषद घ्यायची परवानगी मागतील, असा टोला संदीप देशपांडे यांनी फेसबूक पोस्ट करत लगावला आहे. त्यामुळे हा टोमणा नेमका कुणासाठी अशी चर्चा सुरू झाली आहे. गेल्या काही दिवसांतील राज्यातील राजकारण आणि टोमण्यांना प्रत्युत्तर पाहिलं असता देशपांडेंनी हा टोला शिवसेना खासदार आणि प्रवक्ते संजय राऊत यांना लगावला असल्याची चर्चा सुरू आहेत.

हा टोला संजय राऊत यांच्यासाठीच असल्याची चर्चा रंगण्यामागे आणखी एक कारण आहे, ते म्हणजे पत्रकार परिषद. संजय राऊत गेल्या काही दिवसांपासून सातत्याने पत्रकार परिषद घेत आहेत. तसेच रोज सकाळी ते न चुकता माध्यमांशी संवाद साधतात. त्यामुळे संदीप देशपांडे यांचा रोख संजय राऊतांच्या दिशेने असल्याचा तर्क लावला जात आहे.