६२ वर्षांनंतर मुंबई, दिल्लीत एकाच वेळी मोसमी पावसाचे आगमन

वी दिल्ली, मुंबई : दिल्ली आणि मुंबई या दोन्ही महानगरांमध्ये रविवारी एकाच वेळी मोसमी पावसाचे आगमन झाले. असा दुर्लभ योग ६२ वर्षांपूर्वी २१ जून १९६१ मध्ये जुळून आला होता. राष्ट्रीय राजधानीत मोसमी पाऊस नियोजित वेळेच्या दोन दिवस अगोदर पोहोचला. तर, आर्थिक राजधानीत त्याचे आगमन दोन आठवडे उशिरा झाले, असे भारतीय हवामान विभागाने (आयएमडी) सांगितले. ‘आयएमडी’चे वरिष्ठ शास्त्रज्ञ डी. एस. पै यांनी सांगितले की, २१ जून १९६१ नंतर पहिल्यांदाच मोसमी पाऊस दिल्ली आणि मुंबईत एकाच वेळी दाखल झाला.

आणखी वाचा

मुंबई : उकाड्यात वाढ

Ravindra Chavan : ‘उपरा’ डोंबिवलीकर ते भाजप प्रदेश…

मुंबई : शिवाजी नगरमधील वायू प्रदूषणात दिवसेंदिवस वाढ

चंद्रपूर : वडेट्टीवार म्हणतात, ‘मुख्यमंत्री फडणवीसांचा धाक नाही, त्यामुळेच गुन्हेगारी…’

ठाणे वाशी खाडी लवकरच प्रदूषणमुक्त, रासायनिक सांडपाण्यासाठी नव्या वाहिनीचा प्रस्ताव

मुंबईच्या तापमानात घट; सांताक्रूझ, कुलाबा केंद्रांवर नेहमीपेक्षा कमी तापमानाची नोंद

मुंबईकर घामाघूम

दिल्लीत धुक्याची चादर, दृश्यमानता शून्यावर, १०० विमानांचा खोळंबा

दिल्लीतील सफदरजंग वेधशाळेच्या माहितीनुसार रविवारी सकाळी साडेआठ वाजतापर्यंत गेल्या २४ तासांत ४८.३ मिलीमीटर पावसाची नोंद झाली. ‘आयएमडी’नुसार जफरपूर आणि लोधी रोडमध्ये सुमारे ६०-६० मिलीमीटर पावसाची नोंद झाली. हवामान विभागाने सांगितले की, हरियाणा चंदीगड आणि दिल्ली या भागात मोसमी पावसाला चांगली सुरुवात झाली आहे. मुंबईतील कुलाबा वेधशाळेने रविवारी सकाळी साडेआठ वाजतापर्यंत २४ तासांत ८६ मिलिमीटर पावसाची नोंद केली. तर, सांताक्रुझ हवामान केंद्राने या कालावधीत १७६.१ मिलिमीटर पावसाची नोंद केली.