मोसमी पाऊस दोन दिवसांत अरबी समुद्रात दाखल

मोसमी पाऊस अर्थात मान्सूनचे यंदा १९ मे रोजी बंगालच्या उपसागरासह निकोबार बेटावर आगमन झाले होते. मात्र, वाऱ्यांचा वेग पुरेसा नसल्याने पावसाचा पुढील प्रवास थांबला होता. गेले अकरा दिवस तेथेच घुटमळत असलेल्या मोसमी वाऱ्यांनी उत्तर वायव्य दिशेने आगेकूच केली आहे. अंदमान निकोबार बेटे व्यापून मोसमी पावसाने मध्य पूर्व ब्ंगालच्या उपसागरात प्रवेश केल्याची माहिती हवामान विभागाने दिली. अरबी समुद्रातील आगमनास सध्या पोषक हवामान असून, दोन दिवसांत मालदीव आणि कोमोरीन भागात मान्सून दाखल होण्याचे संकेत हवामान विभागाने दिले आहेत.

आणखी वाचा

रविवारपासून पुन्हा ढगाळ वातावरण; जाणून घ्या, थंडीची लाट, कमी दाबाच्या क्षेत्राचा परिणाम

सूर्यप्रकाश भरपूर प्रमाणात असूनही भारतीयांमध्ये ‘Vitamin D’ची कमतरता…

उत्तर महाराष्ट्र गारठला, मध्य महाराष्ट्रातील पारा खाली

Maharashtra Weather Update : थंडीत आणखी वाढ होणार ? जाणून घ्या, उत्तर महाराष्ट्र, मध्य महाराष्ट्रासाठीचा अंदाज

मुख्य जलवाहिनीतून गळती, वांद्रे परिसरातील पाणीपुरवठ्यावर परिणाम

विदर्भातील हिरवी मिरची थेट दुबईच्या बाजारात

थंडी गायब…आंब्याला मोहोर येण्याची प्रक्रियेत खोडा

सांगलीत पावसाची हजेरी; द्राक्ष बागायतदारांना चिंता

दरवर्षी साधारणपणे २२ मे रोजी मोसमी पाऊस अंदमान व्यापतो. यंदा त्याला आठ दिवसांचा विलंब झाला असून पुढील प्रवासही विलंबाने होणार आहे. यंदा मान्सूनचे केरळमधील आगमन सर्वसाधारण तारखेपेक्षा तीन दिवस उशिरा, म्हणजे ४ जूनला होणार असल्याचा अंदाज हवामान विभागाने या पूर्वीच वर्तवला आहे. मात्र जूनच्या पहिल्या आठवडय़ात कमी दाबाचे क्षेत्र निर्माण होण्याची शक्यता असून हे क्षेत्र तयार होऊन त्याची तीव्रता वाढल्यास मान्सूनच्या अरबी समुद्रातील प्रगतीवर परिणाम होऊ शकतो, असे हवामानतज्ज्ञांनी सांगितले.

जून कमी पावसाचा?

मोसमी पावसाच्या आगमनाला यंदा विलंब होणार असून देशातील काही भागांत जूनमध्ये कमी पाऊस होईल, असा अंदाज हवामान विभागाने वर्तवला आहे. तसेच हवामानशास्त्र विभागाच्या सुधारित अंदाजानुसार जून ते सप्टेंबर या कालावधीत सरासरीच्या ९६ टक्के पाऊस होईल, असे गणित मांडण्यात आले आहे.