नऊ वर्षांच्या मुलीचा विनयभंग करणाऱ्याला अटक

पीडित मुलगी रविवारी तिच्या मैत्रिणीच्या घरी जात होती. त्यावेळी आरोपीने तिला पकडून शेजारी असलेल्या जंगल परिसरात नेले. आरोपीने तिच्यासोबत अश्लील कृत्य केले. त्यावेळी तिने आरडाओरडा केला असता आरोपीने तिला गळा दाबून ठार मारण्याची धमकी दिली. पीडित मुलगी घाबरली. तिने घडलेला प्रकार आईला सांगितला. आईने पोलिसात धाव घेऊन तक्रार दाखल केली.

हेही वाचा…व्यापारचिन्ह हक्क उल्लंघनाचे प्रकरण : पतंजलीला उच्च न्यायालयाचा दिलासा, साडेचार कोटी रुपयांचा दंडाच्या आदेशाला स्थगिती

त्यानुसार पोलिसांनी विनयभंग व पोक्सो कायद्याअंतर्गत गुन्हा दाखल केला. त्यानंतर आरोपी राहत असलेल्या परिसरा शोध घेऊन त्याला ताब्यात घेण्यात आले. पोलीस ठाण्यात आणल्यानंतर त्याचा गुन्ह्यांत सहभाग निष्पन्न झाल्यानंतर पोलिसांनी त्याला याप्रकरणी अटक केली.