मुंबई : कर्जाच्या वादातून भाच्याने केलेल्या मारहाणीत महिलेचा मृत्यू

घोडपदेव येथील साहेब मेन्शनमध्ये राहणाऱ्या संतान फर्नांडिस यांनी भाचा ॲन्थोनी फर्नांडिसच्या भावाला कर्ज मिळवून दिले होते. भावाला कर्ज मिळवून देण्यावरून संतान आणि ॲन्थोनीमध्ये मंगळवारी वाद झाला. ॲन्थोनीने संतान यांना बेदम मारहाण केली. पूर्वीपासूनच संतान यांना कमरेचा आणि मणक्याचा आजार होता. त्यातच बेदम मारहाण झाल्यामुळे त्यांची प्रकृती बिघडली. त्यातच त्यांचा मृत्यू झाला.