मुंबई विमानतळ की लोकल ट्रेनचं स्टेशन? प्रवाशांची तुफान गर्दी, करोना नियमांचा उडाला फज्जा!

या गर्दीमुळे विमानापर्यंत न पोहोचू शकलेल्या प्रवाशांनी ट्विटरवर संताप व्यक्त केला आहे. यामध्ये गायक विशाल डडलानीचाही समावेश आहे. विशालने ट्विट केलंय की, “मुंबई विमानतळ खरंच भंगार आहे. अक्षरशः आपण अंधारयुगात आहोत, असं वाटतंय. न संपणारी गर्दी, तुटलेल्या मशीन्स आणि सर्वत्र गोंधळ. विमानतळावरील कर्मचारी प्रयत्न करत आहेत, परंतु ही गर्दी सांभाळण्यात ते अयशस्वी ठरले आहेत. हा भोंगळ कारभार कोण चालवतंय? त्यांना टॅग करा,” असं त्याने म्हटलंय.

आणखी वाचा

मध्य रेल्वेचा बोजवारा, सहा दिवसांत ४०० लोकल रद्द; ६५० लोकल विलंबाने

Economic Survey: आर्थिक सर्वेक्षण अहवाल सांगतोय २०२५ हे…

मुंबई : चेंबूरमध्ये मेट्रोचं अर्थवट बांधकाम रहिवासी सोसायटीच्या आवारात कोसळलं

मध्य रेल्वेच्या दुर्लक्षामुळे हेरिटेज इंजिन धूळखात

बाबासाहेब आंबेडकर आंतरराष्ट्रीय विमानतळ उपराजधानीत १२ महिन्यात ११ हजार ८६९ विमाने उतरली

पश्चिम रेल्वेवरील ब्लॉकमुळे प्रवाशांचे प्रचंड हाल

जम्बो ब्लॉकमुळे पश्चिम रेल्वेवरील प्रवाशांचे हाल; अंधेरी, बोरीवली स्थानकांवर प्रचंड गर्दी

‘कोल्ड प्ले’साठी मुंबई-अहमदाबाद विशेष रेल्वेगाड्या

तसेच 5पैसा कॅपिटल लिमिटेडचे मुख्य कार्यकारी अधिकारी प्रकाश गगदानी यांनी देखील ट्विट केले आहे. “मुंबई विमानतळावर खूप गोंधळ आहे आणि चेक इन करण्यासाठी किमान एक तास लागतोय. त्या नंतर सिक्युरिटी चेकिंगसाठी ही गर्दी. अडीच तास आधी विमानतळावर पोहोचल्यानंतरही एखादी व्यक्ती फ्लाईट कशी पकडू शकते? ”, असा सवाल त्यांनी केला आहे.

विमानतळ प्रशासनाचं स्पष्टीकरण..

“सणांमुळे प्रवासी वाहतुकीत वाढ झाली आहे. मुंबई विमानतळाप्रमाणेच देशातील इतर विमानतळांवरही असेच अनुभव आले आहेत. अलीकडेच गुप्तचर संस्थांकडून प्राप्त झालेल्या अहवालांमुळे आणि राज्यातील दुसऱ्या विमानतळावरील धमकीमुळे विमानतळावरील सुरक्षा उपायांमध्ये आणखी वाढ करण्यात आली आहे. प्रवाशांची सुरक्षितता आमच्यासाठी महत्वाची आहे. तसेच विमानतळावरील प्रक्रिया लवकर पूर्ण व्हाव्यात, यासाठी आम्ही अतिरिक्त कर्मचारी तैनात केले आहेत. शिवाय करोना संदर्भात सरकारने जारी केलेल्या नियमांचं पालन करण्यात येत असून आज प्रवाशांना झालेल्या गैरसोयीबद्दल आम्ही खेद व्यक्त करतो,” असं निवेदन विमानतळ प्रशासनाने जारी केलं आहे.