मुंबई: गिरणी कामगारांप्रमाणे `बेस्टʼ कामगारांनाही मालकीची घरे हवीत!

बेस्ट ही देशातील सर्वांत मोठ्या शहरी परिवहन सेवांपैकी एक मानली जाते. मुंबईच्या कुठल्याही भागात बेस्टची सेवा आहे. नवी मुंबई, ठाणे, मिरा-भाईंदर अशा विस्तारित उपनगरातही बेस्ट आपली सेवा पुरविते. या आस्थापनेमध्ये ३८ हजार कर्मचारी आहेत. प्रवाशांच्या सेवेसाठी साडेतीन हजार बसगाड्या धावत  आहेत. काही वर्षांपासून शासनाने विविध कर्मचाऱ्यांना अल्पदरात घर देण्याचे धोरण निश्चित केले आहे. गिरणी कामगार, पोलीस आणि इतर कर्मचारी यांना शासन स्तरावर निर्णय घेऊन राहत असलेल्या ठिकाणी मालकी हक्काची घरे देण्यात येत आहेत. पदपथावर राहणाऱ्यांनाही मोफत व सशुल्क घर दिले जाते.

आणखी वाचा

मुंबई आयआयटी करणार ठाण्याच्या वाहतुक आराखड्याची फेरआखणी; पुढील पाच वर्षांतील वाहतूक आव्हानांचा होणार अभ्यास

अल्लू अर्जुनच्या अटक प्रकरणावर नाना पाटेकर म्हणाले, “कोणाला…

पनवेल: शास्तीमाफीसाठी मुख्यमंत्र्यांकडे पाठपुरावा

सतीश वाघ यांची हत्या जुन्या वादातून, पाच लाखांची दिली होती सुपारी – पुणे पोलीस आयुक्त अमितेशकुमार

२६ हजार घरांच्या सोडत प्रक्रियेस मुदतवाढीचा प्रस्ताव विचाराधीन

पाच वर्षात पनवेल, विरारची घरे महागली; दोन्ही ठिकाणच्या किमतीत ५८ टक्क्यांनी वाढ

म्हाडा कोकण मंडळ सोडत २०२४ : २२६४ घरांच्या सोडतीला अखेर १५ दिवसांची मुदतवाढ, २५ डिसेंबरपर्यंत अर्जविक्री-स्वीकृती प्रक्रिया

म्हाडाची आता प्रथम येणाऱ्यास प्राधान्य योजना, विरार, कल्याण, ठाण्यातील १४ हजार घरे प्रतिसादाविना पडून

हेही वाचा >>> मुंबई : न्यायालयातच पोलीसाला मारहाण करणारा तरुण अटकेत

सार्वजनिक प्रवास व्यवस्थेतील सुरक्षित प्रवास म्हणून बेस्टची ओळख आहे. काही कामगार वर्षानुवर्षे आपला वडिलोपार्जित वारसा म्हणून नोकरीचे सातत्य कायम टिकवून आहेत. काहींची तिसरी पिढी बेस्ट आस्थापनेमध्ये कार्यरत आहे. या बेस्ट कर्मचाऱ्यांचे भविष्य उज्ज्वल करण्याच्या दृष्टीने त्यांना हक्काचे घर ते राहत असलेल्या वसाहतीत त्याच ठिकाणी देण्याचा निर्णय घेऊन हजारो कर्मचारी मुंबईबाहेर स्थलांतरित होण्यापासून वाचवावे, अशी मागणी या कर्मचाऱ्यांनी केली आहे. बेस्ट कर्मचाऱ्यांना हक्काचे घर मोफत न देता बाजारमूल्य आकारून दयावे, असे निवेदन बेस्ट वसाहतीतील कुटुंबीयांनी नियोजित गृहनिर्माण संस्थेमार्फत आमदार कालिदास कोळंबकर यांना दिले आहे.