मुंबई…म्हाडाच्या मुंबई मंडळाकडून बर्याच वर्षांनंतर मुंबईतील दुकानांची विक्री करण्यात येत आहे. मुंबईतील विविध ठिकाणच्या १७३ दुकानांच्या ई लिलावसाठी मंगळवारी, २७ फेब्रुवारीला वर्तमानपत्रांमध्ये जाहिरात प्रसिद्ध केली जाणार आहे. तर १ मार्चपासून इच्छुकांना संगणकीय पद्धतीने नोंदणी, अर्ज, कागदपत्रे सादर करता येणार असून २० मार्चला ई लिलावाचा निकाल जाहिर केला जाणार आहे. म्हाडाच्या सोडतीप्रमाणे ई लिलावाचीही संपूर्ण प्रक्रिया संगणकीय करण्यात आली आहे. त्यामुळे इच्छुकांना म्हाडात येण्याची गरज भासणार नसून ई लिलाव पारदर्शकत पद्धतीने पार पडणार असल्याचा दावा यानिमित्ताने मुंबई मंडळाकडून केला जात आहे. महत्त्वाचे म्हणजे सध्या आर्थिक अडचणीत असलेल्या म्हाडा प्राधिकरणाला या ई लिलावातून किमान सव्वाशे कोटी रुपयांचा महसूल मिळण्याची शक्यता आहे.
हेही वाचा >>> मुंबई :महारेराच्या कारवाईलाही विकासक घाबरेनात; जून २०२३ मधील ५५७ विकासकांकडून कोणताही प्रतिसाद नाही
म्हाडाच्या गृहनिर्माण प्रकल्पात रहिवाशांच्या गरज लक्षात घेता काही दुकानेही बांधली जातात. या दुकानांची विक्री ई लिलाव पद्धतीने म्हाडाकडून केली जाते. दुकानांसाठी म्हाडाकडून निश्चित अशी बोली लावली जाते आणि या बोलीपेक्षा जो कोणी अधिक बोली लावेल त्याला दुकान वितरीत केले जाते. अशाप्रकारे आतापर्यंत मुंबईतील शेकडो दुकानांचा ई लिलाव करण्यात आला आहे. परडवणाऱया दरात दुकान घेता येत असल्याने या ई लिलावाला चांगला प्रतिसादही मिळतो. मात्र मागील काही वर्षात दुकानांची विक्रीच झालेली नाही. तेव्हा मोठ्या खंडानंतर मुंबई मंडळाने २०२३ मध्ये दुकानांचा ई लिलाव करण्याचा निर्णय घेतला आणि आता या निर्णयाची अंमलबजावणी केली जात आहे. मगंळवारी, २६ फेब्रुवारीला ई लिलावासाठीची जाहिरात प्रसिद्ध होईल अशी माहिती मुंबई मंडळातील वरिष्ठ अधिकाऱयाने दिली.
हेही वाचा >>> मुंबई: पालिका अधिकाऱ्याला शिवसेनेच्या शाखा प्रमुखाकडून मारहाण
मुंबईतील १७३ दुकानांच्या ई लिलावासाठीच्या अर्जविक्री-स्वीकृतीला १ मार्चला सकाळी ११ पासून सुरुवात होणार आहे. तर अर्जविक्री-स्वीकृतीची मुदत १४ मार्चला संपुष्टात येईल. त्यानंतर पुढील प्रक्रिया पार पाडत २० मार्चला सकाळी ११ वाजता ई लिलावाचा निकाल जाहीर केला जाईल असेही या अधिकार्याने सांगितले. दरम्यान या ई लिलावात २५ लाखांपासून ते १३ कोटी रुपयांपर्यंतची बोली निश्चित करण्यात आली आहे. त्यामुळे या ई लिलावातून किमान १२५ कोटी रुपयांचा महसूल मिळण्याची अपेक्षा मंडळाला आहे.
…..
कुठे किती दुकाने
ठिकाण- एकूण दुकानांची संख्या
प्रतिक्षानगर, शीव- १५
न्यू हिंद मिल, माझगांव- ०२
स्वेदशी मिल, कुर्ला-रु. ०५
गव्हाणपाडा, मुलुंड- ०८
तुंगा पवई- ०३
मजावाडी, जोगेश्वरी -०१
शास्रीनगर, गोरेगाव- ०१
सिद्धार्थनगर, गोरेगाव- ०१
बिंबिसार नगर, गोरेगाव- १७
मालवणी, मालाड- ५७
चारकोप, भूखंड क्रमांक१- १५
चारकोप, भूखंड क्रमांक २-१५
चारकोप, भूखंड क्रमांक ३-०४
जुने मागाठाणे, बोरीवली-१२ महावीर नगर, कांदिवली-१२
