अल्पवयीन मुलीवरील लैंगिक अत्याचार प्रकरण: कोर्ट मार्शलमध्ये दिलेला आदेश रद्द होणार नाही, उच्च न्यायालयाचे स्पष्टीकरण

तथापि, पीडित मुलीने आरोपीचा वाईट स्पर्श ओळखला होता यावर विश्वास ठेवला पाहिजे. तसेच, तिने कोर्ट मार्शलसमोर साक्ष नोंदवताना आरोपीने तिला कोणत्याही वाईट हेतूने स्पर्श केला नव्हता आणि तो स्पर्श पालक किंवा आजोबांच्या स्पर्शासारखा होता हा याचिकाकर्त्याचा दावा फेटाळून लावल्याकडे न्यायालयाने निर्णय देताना लक्ष वेधले. पीडित मुलगी पहिल्यांदाच आरोपीला भेटली होती. त्यामुळे. तिच्या मांडीला स्पर्श करून व तिचे चुंबन घेण्याच्या बहाण्यानेच आरोपीने तिचा हात धरल्याचे स्पष्ट होते, असेही न्यायालयाने याचिका फेटाळताना नमूद केले. मुलीला अर्जदाराचा वाईट स्पर्श जाणवला आणि तिने ताबडतोब तिच्या वडिलांना त्याबाबत सांगितले. तसेच कोर्ट मार्शलने या प्रकरणी याचिकाकर्त्याला त्याच्यावरील आरोपांत दोषी ठरवताना नोंदवलेल्या निष्कर्षांमध्ये कोणतीही त्रुटी आढळून आली नाही. असे न्यायालयाने स्पष्ट केले. तसेच, याचिकाकर्त्याच्या मूलभूत अधिकारांचे कोणतेही उल्लंघन झाल्याचे कोर्ट मार्शल कारवाईवरून आढळून येत नसल्याचेही न्यायालयाने आदेशात प्रामुख्याने नमूद केले.

पीडितेच्या तक्रारीनुसार, तिचे वडील लष्करात हवालदार म्हणून कार्यरत होते. फेब्रुवारी २०२० मध्ये वडिलांच्या सांगण्यावरून धाकट्या भावासह ती आरोपीला भेटण्यास गेली होती. त्यावेळी, आरोपीने त्यांना त्याच्या खोलीत नेले. त्यावेळी, आरोपीने पीडितेच्या मांडीला स्पर्श केला आणि तिच्याकडे चुंबन मागितले. मुलीने ताबडतोब तिच्या वडिलांना आरोपीने तिच्यासह केलेला हा प्रकार वडिलांना सांगितले. त्यानंतर, पीडितेच्या वडिलांनी आरोपीविरोधात तक्रार नोंदवली.