मुंबईतल्या वरळी भागातली हिट अँड रनची घटना ही रविवारी पहाटे घडली. या घटनेत एकनाथ शिंदेंच्या शिवसेनेचे राजेश शाह यांचा मुलगा मिहीर हा आरोपी आहे. कावेरी नाखवा या ४५ वर्षीय महिलेचा या अपघातात मृत्यू झाला. यानंतर मिहीर शाहचे वडील राजेश शाह यांना अटक करण्यात आली होती. मात्र १५ हजारांच्या तात्पुरत्या बाँडवर त्यांना जामीन मंजूर करण्यात आला. तर मिहीर शाह अद्याप फरार आहे. या मिहीरने ज्या पबमध्ये पार्टी केली त्या पब मालकाचं वक्तव्य आता समोर आलं आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

शनिवारी रात्री उशिरा काय घडलं?

हिट अँड रन प्रकरणातील आरोपी मिहीर शाह रात्री जुहू येथील बारमध्ये मद्यप्राशन करत होता. त्यानंतर तो गोरेगावला गेला. घरी गेल्यानंतर त्याने त्याच्या चालकाला सांगितलं की आपल्याला लाँग ड्राईव्हवर जायचं आहे. प्रवासादरम्यान तो मुंबईतल्या वरळी भागात आला. त्यानंतर पुन्हा गोरेगावला जायला निघाला. गोरेगावला जाताना मिहीर शाह स्वतः कार चालवत होता असा आरोप प्रत्यक्षदर्शींनी केला आहे. तसंच जो अपघात झाला तो एट्रिया मॉलजवळ झाला. तिथपासून त्याने कावेरी नाखवा यांना फरपटत नेलं. हा अपघात झाला तेव्हा मिहीरने मद्यप्राशन केलं होतं.

आणखी वाचा

हे पण वाचा- Worli Hit and Run Case: मुंबई हिट अँड रन प्रकरणातला आरोपी मिहीर शाह आहे तरी कोण?

पबच्या मालकाने काय म्हटलं आहे?

“मिहीर शाह आमच्या पबमध्ये आला होता, त्याच्याबरोबर त्याचे चार मित्र होते. त्यांनी सगळ्यांनी जेवणाची ऑर्डर दिली. तसंच मद्यही मागवलं. मात्र मिहीर रेड बुल प्यायला होता. रेड बुल हे एक एनर्जी ड्रिंक आहे. बाकी काही नाही. शनिवारी रात्री ११ वाजण्याच्या सुमारास ते सगळे जण आले. त्यांनी जेवण आणि मद्य घेतलं त्यानंतर साधारण साडेअकराच्या सुमारास ते गेले. मात्र मिहीरने मद्यप्राशन केलं नव्हतं. त्याने फक्त रेड बुल हे एनर्जी ड्रिंक घेतलं. पोलीस या प्रकरणी आता सीसीटीव्ही फुटेजही तपासत आहेत. तसंच हे चौघेजण ज्या कारने आले मर्जिडीजने आले होते. अपघात झालेल्या कारशी पबचा काहीही संबंध नाही.” असं पबच्या मालकाने म्हटलं आहे. टाइम्स ऑफ इंडियाने हे वृत्त दिलं आहे.

प्रदीप नाखवा यांचा आक्रोश

अपघाताचे वर्णन करत असताना नाखवा यांना अश्रू अनावर झाले होते. ते म्हणाले, “वरळीतील सीजे हाऊस पासून ते वरळी सी लिंकपर्यंत त्या कारने माझ्या पत्नीला फरफटत नेले. तिच्या अंगावर एकही कपडा उरला नव्हता. दोन मुलांना टाकून माझी पत्नी आता गेली. आम्ही मासे विकून आमचा उदरनिर्वाह चालवतो. आता आम्ही जगायचे कसे? आज या पक्षाचे त्या पक्षाचे लोक एकमेकांवर टीका करत आहेत. पण मागून हे आरोपींनाच पाठिंबा देतात. आम्हाला कोण वाचवणार?” असा उद्विग्न प्रश्न प्रदीप नाखवा यांनी विचारला आहे.

शनिवारी रात्री उशिरा काय घडलं?

हिट अँड रन प्रकरणातील आरोपी मिहीर शाह रात्री जुहू येथील बारमध्ये मद्यप्राशन करत होता. त्यानंतर तो गोरेगावला गेला. घरी गेल्यानंतर त्याने त्याच्या चालकाला सांगितलं की आपल्याला लाँग ड्राईव्हवर जायचं आहे. प्रवासादरम्यान तो मुंबईतल्या वरळी भागात आला. त्यानंतर पुन्हा गोरेगावला जायला निघाला. गोरेगावला जाताना मिहीर शाह स्वतः कार चालवत होता असा आरोप प्रत्यक्षदर्शींनी केला आहे. तसंच जो अपघात झाला तो एट्रिया मॉलजवळ झाला. तिथपासून त्याने कावेरी नाखवा यांना फरपटत नेलं. हा अपघात झाला तेव्हा मिहीरने मद्यप्राशन केलं होतं.

आणखी वाचा

हे पण वाचा- Worli Hit and Run Case: मुंबई हिट अँड रन प्रकरणातला आरोपी मिहीर शाह आहे तरी कोण?

पबच्या मालकाने काय म्हटलं आहे?

“मिहीर शाह आमच्या पबमध्ये आला होता, त्याच्याबरोबर त्याचे चार मित्र होते. त्यांनी सगळ्यांनी जेवणाची ऑर्डर दिली. तसंच मद्यही मागवलं. मात्र मिहीर रेड बुल प्यायला होता. रेड बुल हे एक एनर्जी ड्रिंक आहे. बाकी काही नाही. शनिवारी रात्री ११ वाजण्याच्या सुमारास ते सगळे जण आले. त्यांनी जेवण आणि मद्य घेतलं त्यानंतर साधारण साडेअकराच्या सुमारास ते गेले. मात्र मिहीरने मद्यप्राशन केलं नव्हतं. त्याने फक्त रेड बुल हे एनर्जी ड्रिंक घेतलं. पोलीस या प्रकरणी आता सीसीटीव्ही फुटेजही तपासत आहेत. तसंच हे चौघेजण ज्या कारने आले मर्जिडीजने आले होते. अपघात झालेल्या कारशी पबचा काहीही संबंध नाही.” असं पबच्या मालकाने म्हटलं आहे. टाइम्स ऑफ इंडियाने हे वृत्त दिलं आहे.

प्रदीप नाखवा यांचा आक्रोश

अपघाताचे वर्णन करत असताना नाखवा यांना अश्रू अनावर झाले होते. ते म्हणाले, “वरळीतील सीजे हाऊस पासून ते वरळी सी लिंकपर्यंत त्या कारने माझ्या पत्नीला फरफटत नेले. तिच्या अंगावर एकही कपडा उरला नव्हता. दोन मुलांना टाकून माझी पत्नी आता गेली. आम्ही मासे विकून आमचा उदरनिर्वाह चालवतो. आता आम्ही जगायचे कसे? आज या पक्षाचे त्या पक्षाचे लोक एकमेकांवर टीका करत आहेत. पण मागून हे आरोपींनाच पाठिंबा देतात. आम्हाला कोण वाचवणार?” असा उद्विग्न प्रश्न प्रदीप नाखवा यांनी विचारला आहे.