Mumbai Local Stunt Youth Lost his one leg and Hand in Another Stunt| लोकलमध्ये स्टंट करणाऱ्या तरुणाने दुसऱ्या स्टंटमध्ये गमावला एक हात आणि पाय, म्हणाला; "मी…"

मुंबईतल्या एका तरुणाने शिवडी रेल्वेस्थानकावर स्टंट केला होता, दुसऱ्या स्टंटमध्ये याच तरुणाला हात आणि पाय गमावावा लागला आहे.

ज्या तरुणाचा स्टंट करतानाचा व्हिडीओ व्हायरल झाला, त्या तरुणाला दुसऱ्या स्टंटमध्ये हात आणि पाय गमावावा लागला आहे. (फोटो-प्राजक्ता राणे, ग्राफिक्स टीम, लोकसत्ता ऑनलाईन)

Mumbai : एका तरुणाचा शिवडी स्टेशनवरचा एक व्हिडीओ सोशल मीडियावर याच महिन्यात व्हायरल झाला होता. Mumbai लोकल सुरु असताना हा तरुण लोकलला लटकून पाय घासत जातो आणि प्लॅटफॉर्म संपल्यावर लोकलमध्ये चढतो असं या व्हिडीओत दिसत होतं. या तरुणाचा शोध लागला आहे, दुसऱ्या एका स्टंटमध्ये या तरुणाला एक हात आणि पाय गमावावा लागला आहे. त्यामुळे आता त्याने असे स्टंट करु नका असं आवाहन केलं आहे. मध्य रेल्वेने (Mumbai) या तरुणाचा व्हिडीओ पोस्ट केला आहे. तसंच असे स्टंट करु नका हे आवाहन केलं आहे. मराठी भाषेत मोरा तुझे गेले पाय, आता रडून उपयोग काय? अशी एक म्हण आहे त्याचा तंतोतंत प्रत्यय या घटनेने तरुणाला दिला आहे यात शंकाच नाही.

१५ जुलैला व्हायरल झालेल्या व्हिडीओत काय?

लोकल ट्रेनच्या दारात लटकून तरुण स्टंट करताना दिसतो आहे. लोकल सुरु झाली आहे. त्या धावत्या लोकलमधल्या एका डब्याच्या खांबाला पकडून हा तरुण प्लॅटफॉर्मवर पाय ठेवून वेगाने जाताना दिसतो आहे. त्याला डब्यातले लोक सांगत आहेत की असं करु नकोस तरीही तो कुणाचंही ऐकत नाही. शेवटी प्लॅटफॉर्म संपायला येतो तेव्हा घाईने तो डब्यात चढतो आहे. अशा हुल्लडबाज प्रवाशांमुळे शिस्तीत प्रवास करणाऱ्या प्रवाशांना त्रास होतो. अनेकांनी या व्हिडीओवर प्रतिक्रिया दिल्या. अशा स्टंटबाजांना आवरा, हवेत कशाला जीवघेणे स्टंट?, असे लोक स्वतःची माती करुन घेतात अशा प्रतिक्रिया प्रवाशांनी या व्हायरल व्हिडीओवर दिल्या. Mumbai मध्ये अनेकदा असे स्टंट करताना तरुण दिसतात. त्यांनी असे स्टंट करु नयेत असं आवाहन मध्य रेल्वेने केलं आहे.

हे पण वाचा- Mumbai Local Accident : डेक्कन क्वीनच्या प्रवाशांना बघण्याच्या नादात लोकलमधून पडला, खांबाला धडकला अन्…; सोशल मीडियावर VIDEO व्हायरल!

News About Mumbai Viral Video — १५ जुलै रोजी एका तरुणाचा व्हिडीओ व्हायरल झाला होता. हा तरुण शिवडी स्थानकात स्टंट करताना दिसत होता. या तरुणाचं नाव फरहत असून त्याला आता एक हात आणि पाय गमवावा लागला आहे.

आता नेमकं काय घडलं आहे?

Mumbai मधल्या व्हायरल व्हिडीओतल्या या तरुणाचा मध्य रेल्वेकडून शोध सुरु होता. जेव्हा या तरुणाचा शोध लागला तेव्हा त्याने एक पाय आणि एक हात गमावला. शिवडीमध्ये स्टंट केल्यानंतर या तरुणाने आणखी एका ठिकाणी स्टंट केला. त्यामुळे त्याला त्याचा हात आणि पाय गमावावा लागला. या तरुणाचे नाव फरहत आझम शेख असून तो अँटॉप हिल, वडाळा येथील रहिवासी आहे. आरपीएफने या तरुणाकडे विचारणा केली असता त्याने व्हायरल व्हिडीओ माझाच आहे अशी कबुली दिली. हा व्हिडीओ ७ मार्च रोजी तयार करण्यात आला होता. शिवडी ते सीएसएमटी लोकलमधून हा स्टंट करण्यात आला होता. यानंतर १४ एप्रिल रोजी मस्जिद बंदर स्थानकात दुसरा स्टंट करत असताना आझम शेखला एक हात आणि पाय गमावावा लागला आहे.

फरहत आझम शेखने काय म्हटलं आहे?

“सोशल मीडियावर व्हायरल झालेला व्हिडीओ माझाच आहे. मार्च महिन्यात शिवडी स्थानकात मी तो स्टंट केला होता. एप्रिल महिन्यातही मी असाच स्टंट करत होतो तेव्हा मला एक हात आणि पाय गमावावा लागला आहे.”

Central Railway has identified the stunt performer from this viral video, who later lost an arm and leg during another stunt. @RPFCRBB swiftly took action to ensure safety.
We urge all passengers to avoid life-threatening stunts and report such incidents at 9004410735 / 139.… https://t.co/HJQ1y25Xkv pic.twitter.com/DtJAb7VyXI
— Central Railway (@Central_Railway) July 26, 2024

मध्य रेल्वेचं स्टंटबाजांना आवाहन

मध्य रेल्वेने या तरुणाचा व्हिडीओ पोस्ट केला आहे. तसंच लोकल ही तुमच्या प्रवासासाठी आहे असले स्टंट करण्यासाठी नाही. त्यामुळे असे स्टंट करु नका असं आवाहन मध्य रेल्वेने केलं आहे.

Mumbai News (मुंबई न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Mumbai local man stunt video viral on social media same guy lost his leg and hand in another stunt scj

Mumbai : मुंबई लोकलमध्ये स्टंट करणाऱ्या तरुणाने एक पाय आणि हात गमावला, मध्य रेल्वेने केलं ‘हे’ आवाहन

१५ जुलैला व्हायरल झालेल्या व्हिडीओत काय?

आता नेमकं काय घडलं आहे?

फरहत आझम शेखने काय म्हटलं आहे?

मध्य रेल्वेचं स्टंटबाजांना आवाहन