मुंबई : पश्चिम उपनगरातील वांद्रे, खार पश्चिम परिसरात शुक्रवार, १६ फेब्रुवारी व शनिवार, १७ जानेवारी रोजी कमी दाबाने पाणी पुरवठा होणार आहे. मुंबई महानगरपालिका शुक्रवारी १६ आणि १७ फेब्रुवारी रोजी पाली हिल जलाशयाच्या मुख्य जलवाहिनीवर ६०० मिलीमीटर व्यासाची झडप बसविणार आहे. या कामामुळे एच पश्चिम प्रभागात कमी दाबाने पाणीपुरवठा होईल.
हेही वाचा >>> सुधारित माहिती-तंत्रज्ञान कायद्याची १ मार्चपर्यंत अंमलबजावणी नाही, केंद्र सरकारची उच्च न्यायालयात हमी
एच पश्चिम विभागातील पाली गाव, नवी कांतवाडी, शेरली राजन, च्युईम गाव, पाली पठार झोपडपट्टी, डॉ. आंबेडकर मार्ग लगतच्या झोपडपट्ट्या, गझधर बंध भाग, दांडपाडा, १६ वा रस्ता व २१ वा रस्ता यांच्यातील खार पश्चिमेचा भागात कमी दाबाने पाणीपुरवठा होईल. शनिवारी १७ फेब्रुवारीनंतर एच पश्चिम प्रभागाचा पाणीपुरवठा पूर्ववत सुरू होईल. या कालावधीत वांद्रे, खार परिसरातील नागरिकांनी पाणी जपून वापरावे व महानगरपालिका प्रशासनाला सहकार्य करावे, असे आवाहन पालिका प्रशासनाने केले आहे.
