मुंबई : शिवाजी पार्कवरील महायुतीच्या सभेची जय्यत तयारी, सव्वालाख नागरिकांची उपस्थिती अपेक्षित

लोकसभेच्या निवडणुकीसाठी येत्या २० मे रोजी मुंबईत मतदान होत आहे. मतदानाला आता अवघे चार दिवस शिल्लक असून प्रचार आता शेवटच्या टप्प्यात आला आहे. आरोप – प्रत्यारोपांना आता धार आली आहे. दादरच्या शिवाजी पार्क मैदानावर १७ मे रोजी सभा घेण्यासाठी महाराष्ट्र नवनिर्माण सेना आणि शिवसेना उद्धव बाळासाहेब ठाकरे या दोन पक्षांनी अर्ज दिले होते. त्यामुळे कोणाला सभेसाठी परवानगी मिळणार याकडे राजकीय वर्तुळाचे लक्ष लागले होते. मात्र नगरविकास विभागाने १७ मे रोजी सभा घेण्यासाठी महाराष्ट्र नवनिर्माण सेनेला लेखी परवानगी दिली होती. त्यामुळे १७ मे रोजी महायुतीच्या प्रचाराची सांगता सभा शिवाजी पार्कवर होणार आहे. महाराष्ट्र नवनिर्माण सेनेने या निवडणुकीसाठी उमेदवार उभे केलेले नाहीत. मात्र भाजप बिनशर्त पाठिंबा दिला आहे. त्यामुळे त्यांची ही सभा महायुतीला पाठिंबा दर्शवणारी असणार हे निश्चित आहे.

आणखी वाचा

दिवाळी: अर्थात नात्यांचा उत्सव

महाराष्ट्राचा पुढचा मुख्यमंत्री कोण होईल? राज ठाकरेंनी थेट…

राजापुरात अजित पवार यांच्या राष्ट्रवादीला मोठा धक्का; अजित यशवंतराव शिवसेना ठाकरे गटात दाखल

भंडारा जिल्ह्यातील तीनही मतदारसंघांवरून भाजपसमोर पेच; युती धर्म पाळून हक्काच्या जागा सोडणार?

नवी मुंबई जिल्हाध्यक्ष संदीप नाईक करणार भाजपला रामराम, शरद पवारांच्या राष्ट्रवादी करणार पक्षप्रवेश ?

आर्णी मतदारसंघात भाजप उमेदवार बदलविण्याच्या तयारीत! महायुती आणि महाविकास आघाडीत होणार लढत

सांगली: खानापूरमध्ये सुहास बाबर निश्चित; वैभव पाटलांचा पक्ष ठरेना

शिवाजी पार्क मैदानावर सभेसाठी १२ अर्ज; १७ नोव्हेंबरच्या सभेसाठी राजकीय पक्षांमध्ये चुरस

हेही वाचा…मुंबई : अंधेरीत २२ मे रोजी १६ तास पाणीपुरवठा बंद, आसपासच्या विभागांतील पाणीपुरवठाही खंडित होणार

या सभेसाठी मैदानावर ७५ हजार खुर्च्यांची व्यवस्था करण्यात आली असून सभेला सुमारे सव्वालाख नागरिक उपस्थित राहतील, असा दावा महाराष्ट्र नवनिर्माण सेनेचे उपाध्यक्ष यशवंत किल्लेदार यांनी केला आहे. तीन पक्षांचे कार्यकर्ते, मतदार या सभेला येतील त्यामुळे भव्य सभा होईल व याकरीता बाहेरच्या बाजूलाही स्क्रीनची व्यवस्था करण्यात आल्याचे त्यांनी सांगितले. सभेला पंतप्रधान नरेंद्र मोदी येणार असल्यामुळे त्यांच्या सुरक्षा व्यवस्थेनुसार सर्व नियोजन करण्यात आले आहे. त्याचबरोबर उपस्थितांसाठी पिण्याच्या पाण्याची व्यवस्था, शौचालयांची व्यवस्था करण्यात आली आहे. तसेच शिवाजी पार्क मैदानासमोरील वनिता समाज, सावरकर स्माकर येथे महत्त्वाच्या व्यक्तींच्या वाहनांसाठी वाहनतळाची सोय केली आहे. तर इतर वाहनांसाठी वडाळा पाच उद्यान, सेनापती बापट मार्ग, माहीम रेतीबंदर येथे व्यवस्था करण्यात आली आहे. तसेच आपत्कालीन व्यवस्था म्हणून हिंदुजा रुग्णालयात काही खाटा आरक्षित केल्या आहेत. तसेच मैदानाच्या प्रत्येक प्रवेशद्वारावर रुग्णवाहिका तैनात करण्यात आली आहे, अशी माहिती किल्लेदार यांनी दिली.

हेही वाचा…मुंबई, ठाणे आणि रायगड परिसरात पावसाची शक्यता

या अटींवर मैदानाला परवानगी

ध्वनी प्रदूषण होणार नाही याची काळजी घ्यावी, ध्वनी प्रदूषणाच्या कायद्याचे पालन करावे, उच्च न्यायालयाने वेळोवेळी दिलेल्या आदेशांचे पालन करावे, आवश्यक तेथे पोलिसांची परवानगी घ्यावी, या अटींवर ही परवानगी देण्यात आली आहे.