मुंबई : शिवाजी पार्कवरील महायुतीच्या सभेची जय्यत तयारी, सव्वालाख नागरिकांची उपस्थिती अपेक्षित

लोकसभेच्या निवडणुकीसाठी येत्या २० मे रोजी मुंबईत मतदान होत आहे. मतदानाला आता अवघे चार दिवस शिल्लक असून प्रचार आता शेवटच्या टप्प्यात आला आहे. आरोप – प्रत्यारोपांना आता धार आली आहे. दादरच्या शिवाजी पार्क मैदानावर १७ मे रोजी सभा घेण्यासाठी महाराष्ट्र नवनिर्माण सेना आणि शिवसेना उद्धव बाळासाहेब ठाकरे या दोन पक्षांनी अर्ज दिले होते. त्यामुळे कोणाला सभेसाठी परवानगी मिळणार याकडे राजकीय वर्तुळाचे लक्ष लागले होते. मात्र नगरविकास विभागाने १७ मे रोजी सभा घेण्यासाठी महाराष्ट्र नवनिर्माण सेनेला लेखी परवानगी दिली होती. त्यामुळे १७ मे रोजी महायुतीच्या प्रचाराची सांगता सभा शिवाजी पार्कवर होणार आहे. महाराष्ट्र नवनिर्माण सेनेने या निवडणुकीसाठी उमेदवार उभे केलेले नाहीत. मात्र भाजप बिनशर्त पाठिंबा दिला आहे. त्यामुळे त्यांची ही सभा महायुतीला पाठिंबा दर्शवणारी असणार हे निश्चित आहे.

आणखी वाचा

रा. स्व. संघाचे लातूरात रविवारी विराट शाखा दर्शन

‘मुलुंडचे लवकरच नवीन धारावी नामांतर’, संतप्त मुलुंडवासियांकडून मुलुंडमध्ये…

बुलढाणा : पालकमंत्र्यांच्या दौऱ्यावर भाजपचा बहिष्कार! युतीत विसंवाद

स्वागताचा हटवलेला फलक आंदोलनानंतर पुन्हा झळकला

दिल्लीसाठी भाजप सज्ज; महाराष्ट्र, हरियाणाच्या धर्तीवर सूक्ष्म नियोजनावर भर

उद्धव ठाकरे-शरद पवार यांची भेट, महाविकास आघाडीची लवकरच बैठक होणार

चांदणी चौकातून : जय बापू, जय भीम, जय संविधान

नवी मुंबई: तीन दिवसांत सव्वादोन लाख श्रोते

हेही वाचा…मुंबई : अंधेरीत २२ मे रोजी १६ तास पाणीपुरवठा बंद, आसपासच्या विभागांतील पाणीपुरवठाही खंडित होणार

या सभेसाठी मैदानावर ७५ हजार खुर्च्यांची व्यवस्था करण्यात आली असून सभेला सुमारे सव्वालाख नागरिक उपस्थित राहतील, असा दावा महाराष्ट्र नवनिर्माण सेनेचे उपाध्यक्ष यशवंत किल्लेदार यांनी केला आहे. तीन पक्षांचे कार्यकर्ते, मतदार या सभेला येतील त्यामुळे भव्य सभा होईल व याकरीता बाहेरच्या बाजूलाही स्क्रीनची व्यवस्था करण्यात आल्याचे त्यांनी सांगितले. सभेला पंतप्रधान नरेंद्र मोदी येणार असल्यामुळे त्यांच्या सुरक्षा व्यवस्थेनुसार सर्व नियोजन करण्यात आले आहे. त्याचबरोबर उपस्थितांसाठी पिण्याच्या पाण्याची व्यवस्था, शौचालयांची व्यवस्था करण्यात आली आहे. तसेच शिवाजी पार्क मैदानासमोरील वनिता समाज, सावरकर स्माकर येथे महत्त्वाच्या व्यक्तींच्या वाहनांसाठी वाहनतळाची सोय केली आहे. तर इतर वाहनांसाठी वडाळा पाच उद्यान, सेनापती बापट मार्ग, माहीम रेतीबंदर येथे व्यवस्था करण्यात आली आहे. तसेच आपत्कालीन व्यवस्था म्हणून हिंदुजा रुग्णालयात काही खाटा आरक्षित केल्या आहेत. तसेच मैदानाच्या प्रत्येक प्रवेशद्वारावर रुग्णवाहिका तैनात करण्यात आली आहे, अशी माहिती किल्लेदार यांनी दिली.

हेही वाचा…मुंबई, ठाणे आणि रायगड परिसरात पावसाची शक्यता

या अटींवर मैदानाला परवानगी

ध्वनी प्रदूषण होणार नाही याची काळजी घ्यावी, ध्वनी प्रदूषणाच्या कायद्याचे पालन करावे, उच्च न्यायालयाने वेळोवेळी दिलेल्या आदेशांचे पालन करावे, आवश्यक तेथे पोलिसांची परवानगी घ्यावी, या अटींवर ही परवानगी देण्यात आली आहे.