डिजिटल अटक करून फसवणूकीप्रकरणी चौघांना सूरतवरून अटक

६८ वर्षाचे वयोवृद्ध तक्रादार मालाडमध्ये राहतात. २१ डिसेंबरला सकाळी त्यांना एका अज्ञात व्यक्तीने दूरध्वनी करुन तो पोलीस असल्याचे सांगितले. तक्रारदारांसह त्यांच्या कुटुंबियांची माहिती काढून त्याने त्यांच्या आधारकार्डवरुन गोयल नावाच्या एका व्यक्तीने बँकेत एक खाते उघडले आहे. या बँक खात्यात आर्थिक गैरव्यवहार झाल्याचे सांगून त्यांना चौकशीसाठी पोलीस ठाण्यात यावे लागेल असेही त्यांनी सांगितले. यावेळी तक्रारदारांनी ते गोयल नावाच्या कुठल्याही व्यक्तीला ओळखत नसून त्यांचा संबंधित आर्थिक गैरव्यवहाराच्या गुन्ह्यांशी काहीही संबंध नसल्याचे सांगितले. त्यानंतर या व्यक्तीने त्यांना व्हिडीओ कॉल केला होता. यावेळी त्यांना समोर एक पोलीसांच्या गणवेशात एक व्यक्ती त्यांच्याशी बोलत असल्याचे दिसून आले. त्यांना डिजीटल अटक केल्याचे सांगून त्यांना कोणाशी संपर्क साधता येणार नाही असे त्यांनी सांगितले.

नक्की वाचा

परवडणाऱ्या घरांमध्ये अहमदाबाद पहिले, पुणे दुसरे तर मुंबई सगळ्यात शेवटी!

औरंगजेबावरही मात करणाऱ्या ‘या’ हिंदू संन्याशांचा इतिहास दुर्लक्षित…

ठाण्यात दिवाळी काळात हवा आणि ध्वनी प्रदुषणात वाढ, गेल्या दोन वर्षांच्या तुलनेत प्रदुषणात घट झाल्याचा पालिकेचा दावा

गोव्यातून तस्करी करुन आणलेला सव्वा कोटींचा मद्यसाठा जप्त; नववर्षाच्या पार्श्वभूमीवर उत्पादन शुल्क विभागाची कारवाई

बनावट पोलीस अधिकाऱ्याकडून व्यावसायिकाची फसवणूक

डोंबिवलीतील फडके रस्त्यावरील पदपथावर भजी विक्रेत्याकडून सिलिंडरचा वापर

भिवंडीत विधानसभा निवडणुकीच्या पार्श्वभूमीवर कारवाई, संशयित वाहनांतून तीन लाखाहून अधिक रुपयांचे दागिने जप्त

मराठी माणसासाठी घरे राखीव ठेवा! विधानसभा निवडणुकीच्या पार्श्वभूमीवर ‘पार्ले पंचम’ची भूमिका

हेही वाचा…गोरेगावमध्ये मध्यरात्री जंगलात आग

या संपूर्ण प्रकरणातून सुटका करण्यासाठी त्याने त्यांच्याकडे दहा लाखांची मागणी केली. नाहीतर त्यांच्यावर त्यांच्या घरात येऊन अटकेची कारवाई करावी लागेल अशी धमकी दिली होती. या प्रकाराने ते प्रचंड घाबरले आणि त्यांनी त्यांच्याकडे दहा लाख रुपये नसून साडेआठ लाख रुपयेच असल्याचे सांगितले. यावेळी त्याने त्यांना ही रक्कम हस्तांतरीत करण्यास सांगून एका बँक खात्याची माहिती दिली होती. कारवाईच्या भीतीने तक्रारदारांनी आरोपीने दिलेल्या बँक खात्यात आठ लाख साठ हजार रुपये हस्तांतरीत केले. फसवणूक झाल्याचे लक्षात आल्यानंतर त्यांनी मालाड पोलिसांकडे याबाबत तक्रार केली. पोलिसांनी माहिती तंत्रज्ञान गैरवापर प्रतिबंधक कायद्या अंतर्गत गुन्हा दाखल केला करून तपास सुरू केला. त्यावेळी आरोपी गुजरातमधील सूरतमध्ये असल्याचे समजले. त्या माहितीच्या आधारावर चौघांना अटक केली. आरोपींच्या नावाने बँक खाती उघडून त्याद्वारे फसवणूक करण्यात आल्याचे तपासात उघड झाले आहे.