गेट वे ऑफ इंडिया ते मांडवा जलमार्गावर एक प्रवासी चालत्या बोटीतून तोल जावून समुद्रात पडला. सुदैवाने त्याला पोहता येत असल्याने तो बचावला. हा प्रवासी समुद्रामध्ये पडल्याचं लक्षात येताच या बोटीवर एकच गोंधळ उडाला. मात्र बोटीवरील लोकांनी प्रसंगावधान दाखवत या तरुणाला तातडीने बोटीमध्ये परत ओढून घेतलं.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

प्रशांत कांबळे असं या प्रवाशाचे नाव आहे. आज सकाळी मांडवा जेटीपासून काही अंतरावर ही घटना घडली. सकाळी सव्वानऊ वाजता गेट वे ऑफ इंडियावरून सुटलेली अजंठा कंपनीची अल नुर ही बोट मांडवा बंदराकडे निघाली. बोट मांडवा जेटीजवळ आली असता प्रशांत कांबळेचा तोल जाऊन तो समुद्रात पडला. यावेळी प्रशांतच्या पाठीवर बॅगही होती. प्रशांत समुद्रात पडल्यानंतर या बोटीवरील प्रवाशांनी एकच आरडाओरड सुरु केला. या गोंधळामुळे प्रशांत पडलेल्या ठिकाणापासून बोट फार दूर जाण्याआधीच थांबवण्यात आली.

आणखी वाचा

बोटीवरील कर्मचाऱ्यांनी त्याला दोरीच्या सहायाने पुन्हा सुखरूप बोटीत घेतले. हे प्रकरण पोलिसात गेलं मात्र यात आपली चूक असल्याचं प्रशांतने मान्य केलं. या घटनेनंतर जलमार्गावरील प्रवाशांमध्ये भीतीचं वातावरण आहे.