मुंबईच्या महापौर किशोरी पेडणेकर यांची प्रकृती बिघडली; रुग्णालयात दाखल

मुंबईच्या महापौर किशोरी पेडणेकर यांची प्रकृती बिघडल्याची माहिती समोर आली. महापौर कार्यालयाने याबाबतचं वृत्त दिलं आहे. काल रात्रीपासून (१७ जुलै) त्यांना छातीत त्रास होत होता. त्यानंतर सकाळी त्रास अधिक वाढल्यानं त्यांना तातडीने रुग्णालयात दाखल करण्यात आलं आहे. मुंबईतील ग्लोबल रुग्णालयात महापौरांना दाखल करण्यात आल्याची माहिती कार्यालयाच्या वतीने देण्यात आली आहे. त्यांच्या प्रकृतीबद्दल अद्याप माहिती देण्यात आलेली नाही. मुंबईत मुसळधार पावसामुळे चेंबूरमध्ये दुर्दैवी दुर्घटना घडली. रात्री आपल्याला घटनास्थळी जाता आलं नाही, असं सांगत त्यांनी मृतांबद्दल दुःख व्यक्त केलं होतं.