‘मेट्रो ३’ विस्कळीत, दोन दिवसांतच तांत्रिक अडचणी

‘कुलाबा – वांद्रे – सिप्झ मेट्रो ३’ प्रकल्पातील आरे – बीकेसी टप्प्याचे शनिवारी पंतप्रधान नरेंद्र मोदी यांनी लोकार्पण केले. इतकेच नव्हे तर पंतप्रधानांनी भुयारी मेट्रोतून प्रवासही केला. ‘मेट्रो ३’ प्रकल्पातील आरे – बीकेसी टप्प्याचे लोकार्पण झाल्यानंतर अनेकांनी पाठ थोपटून घेतली. झटपट प्रवासाचा एक पर्याय उपलब्ध झाल्याने मुंबईकरही खूष झाले. सर्वसामान्य नागरिकांसाठी आरे – बीकेसी टप्पा सोमवारी खुला करण्यात आला. त्यामुळे भुयारी मेट्रोतून प्रवास करण्यासाठी अनेक मुंबईकरांनी आरे – बीकेसी दरम्यानच्या स्थानकांवर गर्दी केली होती. मात्र दोन दिवसातच मुंबईकरांच्या आनंदावर विरजण पडले आहे. आरे- बीकेसी दरम्यान मंगळवारी मेट्रो विलंबाने धावत होती. बीकेसी स्थानकावर अर्ध्या तासानंतर मेट्रो पोहोचली. तोपर्यंत स्थानकावर प्रवाशा गर्दी झाली होती. मेट्रो सेवा सुरळीत कधी होईल याबाबत माहिती मिळत नसल्याने प्रवासी हैराण झाले होते. ऐन कार्यालयीन वेळेत मेट्रो सेवा विस्कळीत झाल्याने प्रवाशांची तारांबळ उडाली. प्रवाशांना बुधवारीही असाच अनुभव आला. सहार स्थानकात बुधवारी सकाळी १०.३० च्या सुमारास मेट्रो तब्बल अर्धातास खोळंबली होती. मेट्रो सेवा नेमकी कशामुळे विस्कळीत झाली हे प्रवाशांना समजत नव्हते. एकीकडे मेट्रो विलंबाने धावत होती, तर दुसरीकडे स्थानकात प्रवाशांची गर्दी वाढत होती. यामुळे प्रवाशांचा प्रचंड गोंधळ उडाला.

आणखी वाचा

शेवटच्या कसारा, कर्जत लोकलच्या वेळा बदलल्याने प्रवासी नाराज

अंकिताचा ‘कोकण हार्टेड बॉय’ कोण आहे? कोकणात करणार…

डोंबिवली एमआयडीसीतील नवीन काँक्रीट रस्त्याचे खोदकाम केल्याने प्रवाशांमध्ये संताप

मध्य रेल्वेचा ‘पांढरा हत्ती’ प्रवाशांसाठी त्रासदायक; वातानुकूलित लोकलच्या दहा फेऱ्या रद्द

आनंदवार्ता… ‘एसटी’च्या ताफ्यात आणखी २,५०० बसगाड्या येणार

वाहनतळ शुल्कवाढीमुळे प्रवाशांचा संताप; उरण ते खारकोपर रेल्वे स्थानकांलगतच्या वाहनतळाचे दर कमी करण्यासाठी मुख्यमंत्र्यांना साकडे

iPhone 16 First Sale : VIDEO : भारतात आजपासून ‘आयफोन १६’च्या विक्रीला सुरुवात; खरेदीसाठी मुंबईतील अ‍ॅपल स्टोअरबाहेर ग्राहकांची झुंबड

मेट्रो ३ : आरे ते बीकेसी टप्पा दसऱ्यापूर्वी वाहतूक सेवेत, ऑक्टोबरच्या पहिल्या आठवड्यात नरेंद्र मोदींच्या हस्ते लोकार्पण

हे ही वाचा… रहिवाशांना ६३५ चौरस फुटांचे घर; अभ्युदयनगर वसाहत पुनर्विकास; बांधकामासाठी आज निविदा

हे ही वाचा… Dharavi Assembly constituency : धारावीचा उमेदवार कोण? उद्धव ठाकरे काँग्रेसकडून मतदारसंघ मागणार?

आरे – बीकेसी दरम्यान पहिली गाडी सकाळी ६.३० वाजता, तर शेवटची गाडी रात्री १०.३० वाजता सुटेल. दर साहेसहा मिनिटांनी मेट्रो धावेल, असे जाहीर करण्यात आले होते. मात्र दोन दिवसांतच मेट्रो सेवा विस्कळीत झाल्यामुळे मुंबईकरांमध्ये नाराजीचा सूर उमटू लागला आहे.