मुंबई महानगरपालिका कर्मचारी संपात सहभागी नाही; आझाद मैदानावर मोर्चात सहभागी होऊन मागणीला पाठींबा देणार

मुंबई महानगरपालिका कर्मचाऱ्यांच्या मोर्चात सहभागी होण्यासाठी कर्मचारी कार्यालयात उपस्थिती लावून आझाद मैदानात रवाना होऊ लागले आहेत. मात्र एकाच मागणीसाठी आझाद मैदानावर दोन वेगवेगळे मोर्चे काढण्यात आल्यामुळे कोणत्या मोर्चात सहभागी व्हायचे, असा प्रश्न महानगरपालिकेतील कर्मचाऱ्यांना पडला आहे. दरम्यान, मुंबई महापालिकेत एक लाखाहून अधिक कामगार, कर्मचारी व अधिकारी असून समन्वय समितीने वरील मागणीसाठी मोर्चा आयोजित केला आहे. मात्र महानगरपालिकेतील कर्मचारी बेमुदत संपात सहभागी होणार नाहीत, असे निमंत्रक ॲड. प्रकाश देवदास यांनी स्पष्ट केले.

हेही वाचा – राष्ट्रवादीनेच जुनी पेन्शन बंद केली असं म्हणताच अजित पवार संतापले; शरद पवारांचं नाव घेत म्हणाले, “अरे बाबा…”

हेही वाचा – मुंबई : लालबागमध्ये तरुणाची हत्या, गुन्हा दाखल

दि म्युनिसिपल युनियनचा दुपारी मोर्चा

मुंबई महापालिकेच्या सेवेत ५ मे २००८ व त्यानंतर नियुक्त झालेल्या कामगार, कर्मचारी, अधिकाऱ्यांना जुनी पेन्शन योजना लागू करण्यात यावी, या मागणीसाठी दि म्युनिसिपल युनियनच्या नेतृत्वाखाली मंगळवारी दुपारी २ नंतर मोर्चा आयोजित करण्यात आला आहे. या मोर्चानंतर होणाऱ्या जाहीर सभेत आंदोलनाची पुढील दिशा निश्चित करण्यात येणार असल्याचे युनियनच्या पदाधिकाऱ्यांनी स्पष्ट केले.