मुंबई : लोकसभा निवडणुकीच्या कामासाठी सरकारी कार्यालयातील कर्मचाऱ्यांची नियुक्ती करण्यात येते. त्यामुळे मुंबई महानगरपालिकेच्या पाच वैद्यकीय महाविद्यालये व अन्य उपनगरीय रुग्णालयांतील सुमारे ३० टक्के कर्मचाऱ्यांची नियुक्ती निवडणुकीच्या कामासाठी करण्यात आली आहे. त्यामुळे मुंबई महानगरपालिकेतील आरोग्य सेवेवर परिणाम होण्याची शक्यता वर्तविण्यात येत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मराठा आरक्षणासाठी करण्यात आलेल्या सर्वेक्षणानंतर शीव, नायर, कूपर, केईएम आणि नायर दंत महाविद्यालयाबरोबर आरोग्य विभागातील सुमारे ८०० कर्मचाऱ्यांची निवडणुकीच्या कामासाठी नियुक्ती करण्यात आली आहे. यामध्ये प्रशासकीय कर्मचाऱ्यांबरोबरच निम्न वैद्यकीय कर्मचारी व तंत्रज्ञांचा समावेश आहे. महानगरपालिकेच्या एका वरिष्ठ अधिकाऱ्याने सांगितले की, केईएम रुग्णालयातील १३० कर्मचारी, शीव रुग्णालयातील ११० कर्मचारी, नायर रुग्णालयातील १०० कर्मचारी, कूपर रुग्णालयातील ३० आणि नायर दंत महाविद्यालयातील १०० कर्मचारी आणि आरोग्य विभागातील २०० कर्मचाऱ्यांची निवडणुकीच्या कामासाठी नियुक्ती करण्यात आली आहे. त्यामुळे रुग्णालयातील आरोग्य सेवेवर परिणाम होण्याची शक्यता वर्तविण्यात येत आहे. रुग्णालयातील प्रयोगशाळा तंत्रज्ञांची निवडणुकीच्या कामावर नियुक्ती केल्याने रुग्णांना रक्त, सीटी स्कॅन, एमआरआयचे अहवाल मिळण्यास विलंब होत आहे. तसेच परिचारिकांची नियुक्ती केल्यामुळे त्याचा परिणाम थेट रुग्ण सेवेवर होण्याची चिन्हे आहेत. तसेच प्रशासकीय कर्मचाऱ्यांची नियुक्ती करण्यात आल्याने सुट्टीचे अर्ज, सेवानिवृत्तीची काम रखडण्याची शक्यता वर्तविण्यात येत आहे.

आणखी वाचा

हेही वाचा : गोष्ट मुंबईची – भाग १४८ : झिप- झॅप- झूम… वरळी ते मरिन लाइन्स केवळ १० मिनिटांत!

निवडणूक आयोगाच्या आदेशानुसार कर्मचाऱ्यांना निवडणुकीच्या कामासाठी पाठविणे अनिवार्य आहे. परंतु आराेग्य विभागातील कर्मचाऱ्यांना निवडणुकीच्या कामावर पाठवताना सेवेवर कोणताही परिणाम होणार नाही व रुग्णांना त्रास होणार नाही, याची आम्ही काळजी घेण्यात येत असल्याचे मुंबई महानगरपालिकेतील एका वरिष्ठ अधिकाऱ्याने सांगितले.