मुंबई : मुंबई महानगरपालिकेच्या महालक्ष्मी आणि गोराई येथील कचरा हस्तांतरण केंद्राला आता अत्याधुनिक तंत्रज्ञानाची जोड देण्यात येणार आहे. भविष्यात कचऱ्याचे वर्गिकरण यांत्रिक पद्धतीने करण्यात येणार असून त्यामुळे कचराभूमीवर जाणाऱ्या कचऱ्याचे प्रमाण कमी होईल, असा दावा करण्यात आला आहे. त्याचबरोबर उघड्यावर असलेली ही कचरा हस्तांतरण केंद्र आता बंदिस्त करण्यात येणार आहेत. त्यामुळे आजूबाजूच्या इमारतींमधील रहिवाशांची कचऱ्याच्या दुर्गंधीपासून सुटका होऊ शकेल, असाही दावा करण्यात आला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मुंबईतील विविध विभागांतून जमा केलेला कचरा कचराभूमीवर नेण्यापूर्वी कचरा हस्तांतरण केंद्रांवर आणला जातो. मुंबईत महालक्ष्मी, कुर्ला, गोराई, वर्सोवा येथे कचरा हस्तांतरण केंद्रे आहेत. महानगरपालिकेने सुका आणि ओला कचरा वेगवेगळा करण्याचे आवाहन केले आहे. मात्र तरीही अनेक वेळा वर्गिकरण न करताच एकत्रीत कचरा कचराभूमीवर जातो. ही बाब लक्षात घेऊन या कचऱ्याचे पालिकेच्या कचरा हस्तांतरण केंद्रांवर वर्गिकरण केले जाते. ही वर्गिकरणाची प्रक्रिया अधिक सुलभ व यांत्रिक पद्धतीने करण्यासाठी कचरा हस्तांतरण केंद्राचे आधुनिकीकरण केले जाणार आहे. महालक्ष्मी व गोराई येथील कचरा हस्तांतरण केंद्राचे आधी आधुनिकीकरण करण्यात येणार असून त्याकरीता पालिकेच्या घनकचरा विभागाने निविदा मागवल्या आहेत.

आणखी वाचा

हेही वाचा >>>मुंबई : सांताक्रुझमध्ये हॉटेलला आग

महालक्ष्मी येथे दररोज ६२५ मेट्रिक टन, तर गोराई येथे ३५० मेट्रिक टन कचरा जमा होतो. या कचऱ्यावर प्रक्रिया आणि केंद्रांचे अद्ययावतीकरण करण्यासाठी आराखडा तयार करण्यात येणार आहे. आराखडा तयार करण्यासाठी पालिकेने निविदा मागवल्या आहेत. आता महालक्ष्मी आणि गोराई कचरा स्थानांतरण केंद्रावर अद्ययावत पद्धतीने कचऱ्यावर प्रक्रिया केली जाणार आहे. महालक्ष्मी, गोराई या केंद्रावर कचऱ्याचे वर्गीकरण, प्रक्रिया, बायोगॅस आणि खतनिर्मिती करण्यात येणार आहे.

आजूबाजूच्या इमारतींचा त्रास वाचणार

ही कचरा हस्तांतरण केंद्रे सध्या उघड्यावरच असून त्यामुळे आजूबाजूच्या परिसरात दुर्गंधी पसरत आहे. महालक्ष्मी परिसरात कचरा हस्तांतरण केंद्राच्या बाजूला उंच इमारती आहेत. नागरिकांना घरातूनच कचऱ्याचे ढीग दिसतात, तसेच प्रचंड दुर्गंधी येते, अशी तक्रार वारंवार या इमारतींमधील रहिवाशांकडून करण्यात येत आहे. त्यामुळे हे कचरा हस्तांतरण केंद्र आता बंदिस्त करण्यात येणार आहे.

मुंबईतील विविध विभागांतून जमा केलेला कचरा कचराभूमीवर नेण्यापूर्वी कचरा हस्तांतरण केंद्रांवर आणला जातो. मुंबईत महालक्ष्मी, कुर्ला, गोराई, वर्सोवा येथे कचरा हस्तांतरण केंद्रे आहेत. महानगरपालिकेने सुका आणि ओला कचरा वेगवेगळा करण्याचे आवाहन केले आहे. मात्र तरीही अनेक वेळा वर्गिकरण न करताच एकत्रीत कचरा कचराभूमीवर जातो. ही बाब लक्षात घेऊन या कचऱ्याचे पालिकेच्या कचरा हस्तांतरण केंद्रांवर वर्गिकरण केले जाते. ही वर्गिकरणाची प्रक्रिया अधिक सुलभ व यांत्रिक पद्धतीने करण्यासाठी कचरा हस्तांतरण केंद्राचे आधुनिकीकरण केले जाणार आहे. महालक्ष्मी व गोराई येथील कचरा हस्तांतरण केंद्राचे आधी आधुनिकीकरण करण्यात येणार असून त्याकरीता पालिकेच्या घनकचरा विभागाने निविदा मागवल्या आहेत.

आणखी वाचा

हेही वाचा >>>मुंबई : सांताक्रुझमध्ये हॉटेलला आग

महालक्ष्मी येथे दररोज ६२५ मेट्रिक टन, तर गोराई येथे ३५० मेट्रिक टन कचरा जमा होतो. या कचऱ्यावर प्रक्रिया आणि केंद्रांचे अद्ययावतीकरण करण्यासाठी आराखडा तयार करण्यात येणार आहे. आराखडा तयार करण्यासाठी पालिकेने निविदा मागवल्या आहेत. आता महालक्ष्मी आणि गोराई कचरा स्थानांतरण केंद्रावर अद्ययावत पद्धतीने कचऱ्यावर प्रक्रिया केली जाणार आहे. महालक्ष्मी, गोराई या केंद्रावर कचऱ्याचे वर्गीकरण, प्रक्रिया, बायोगॅस आणि खतनिर्मिती करण्यात येणार आहे.

आजूबाजूच्या इमारतींचा त्रास वाचणार

ही कचरा हस्तांतरण केंद्रे सध्या उघड्यावरच असून त्यामुळे आजूबाजूच्या परिसरात दुर्गंधी पसरत आहे. महालक्ष्मी परिसरात कचरा हस्तांतरण केंद्राच्या बाजूला उंच इमारती आहेत. नागरिकांना घरातूनच कचऱ्याचे ढीग दिसतात, तसेच प्रचंड दुर्गंधी येते, अशी तक्रार वारंवार या इमारतींमधील रहिवाशांकडून करण्यात येत आहे. त्यामुळे हे कचरा हस्तांतरण केंद्र आता बंदिस्त करण्यात येणार आहे.