Latest News in Mumbai Today : गेल्या दोन दिवसांपासून राज्याच्या अनेक भागात पूर्वमोसमी पावसाने हजेरी लावली आहे. हवामान विमागाने मुंबईसह ठाणे, रायगड आणि पालघर जिल्ह्यात आजही पावसाचा अंदाज व्यक्त केला आहे. तर दुसरीकडे गुढीपाडव्याच्या मुहूर्तावर लोकार्पण झालेल्या मलबार हिल परिसरातील ‘निसर्ग उन्नत मार्ग’ मुंबईकरांच्या पसंतीस उतरत आहे. अवघ्या दोन दिवसात तीन हजारांहून अधिक पर्यटकांनी निसर्ग उद्यान मार्गाला भेट दिली. तेव्हा मुंबईतील राजकीय घडामोडी तसंच न्यायालय, मनोरंजन क्षेत्र, गुन्हे, महापालिका क्षेत्रातील घडामोडींची माहिती या live blog च्यामाध्यमातून मिळेल.
Mumbai Maharashtra News Today, 1 April 2025
खंडणी मागणाऱ्या तोतया पत्रकार अटकेत, दोघांविरोधात गुन्हा दाखल
मुंबई ; घाटकोपर परिसरात दुधाचा व्यवसाय करणाऱ्या तीन व्यवसायिकांकडे खंडणी मागणाऱ्या एका तोतया पत्रकाराला पंतनगर पोलिसांनी अटक केली. तसेच चेंबूरमधील एका बांधकाम ठेकेदाराकडे खंडणी मागणाऱ्या दोन तोतया पत्रकारांविरोधात आरसीएफ पोलिसांनी गुन्हा दाखल केला असून पोलीस त्यांचा शोध घेत आहेत.
गेल्या अनेक वर्षांपासून घाटकोपरमधील पंतनगर परिसरात रमेश कोळी, विनोद गौड आणि परशुराम पनिकेरा हे तिघे दूध विक्रीचा व्यवसाय करीत आहेत. या तिघांकडे गेल्या अनेक वर्षांपासून आरोपी अल्ताफ शेख पत्रकार असल्याचे सांगून त्यांच्याकडून खंडणी घेत होता. सण जवळ आल्यानंतर तो त्यांच्याकडे मोठ्या रक्कमेची मागणी करीत होता. तीन दिवसांपूर्वी त्याने दूध विक्रेत्यांकडे ३० हजार रुपयांची मागणी केली होती. दूध विक्रेत्यांनी त्याला हे पैसे देण्यास नकार देताच आरोपीने पोलीस ठाण्यात त्यांच्याविरोधात गुन्हा दाखल करण्याची धमकी दिली. अखेर दुध विक्रेत्यांनी याबाबत पंतनगर पोलीस ठाण्यात तक्रार दाखल केल्यानंतर पोलिसांनी गुन्हा दाखल करून त्याला अटक केली.
दरम्यान, चेंबूरमधील सिंधी कॅम्प परिसरात दोन तोतया पत्रकारांनी एका बांधकाम ठेकेदाराला धमकावले आणि त्याच्याकडे १५ हजार रुपयांची मागणी केली. मात्र ठेकेदाराने पैसे देण्यास नकार देताच आरोपीने त्याला ठार मारण्याची धमकी दिली. याप्रकरणी ठेकेदाराने आरसीएफ पोलीस ठाण्यात तक्रार दाखल केली. त्याच्या आधारे पोलिसांनी यामध्ये गुन्हा दाखल केला असून पोलीस आरोपींचा शोध घेत आहेत.
पंतप्रधान आवास निधीतील चार प्रकल्पांना अतिरिक्त निधी; वसुलीसाठी म्हाडाकडून नोटिसा
पंतप्रधान आवास निधीतील चार प्रकल्पातील विकासकांना अतिरिक्त निधी वितरीत झाल्याचे ‘महाराष्ट्र गृहनिर्माण व क्षेत्रविकास प्राधिकरणा’ने (म्हाडा) राज्य शासनाला दिलेल्या अहवालात मान्य केले आहे. सविस्तर वाचा…
झोपडपट्ट्यांमध्ये पाण्याची उधळपट्टी; अनेक ठिकाणी जलवाहिन्यांना गळती, वापरावर नियंत्रणाची गरज
मुंबईला पाणीपुरवठा करणाऱ्या धरणांतील पाणीसाठा झपाट्याने कमी होऊ लागला असून महापालिकेने राज्य शासनाकडे राखीव पाणीसाठा वापरण्याची मागणी केली आहे. मात्र, शहरात सुरू असलेल्या विविध विकासकामांदरम्यान जलवाहिन्यांना गळती लागून शेकडो लिटर पाण्याचा अपव्यय होत आहे. सविस्तर वाचा…
महापालिका शाळा, वर्गखोल्यांचे गोदाम; शाळांच्या सभागृहांत निवडणुकीचे साहित्य
मुंबई : महानगरपालिकेच्या शाळांचा दर्जा आणि गुणवत्ता वाढविण्याचा पालिका प्रशासन सातत्याने प्रयत्न करीत आहे. मात्र निवडणूक कार्यालयाचा आडमुठेपणा त्यात अडसर ठरत आहे. पालिका शाळांतील १५ सभागृह व ७८ वर्गखोल्या निवडणूक कार्यालयाने ताब्यात घेतल्या आहेत. त्यात निवडणुकीचे साहित्य ठेवण्यात आले आहे.
मुंबई : निसर्ग उन्नत मार्गावर पर्यटकांची झुंबड, सर्व स्लॉट हाऊसफुल्ल
गुढीपाडव्याच्या मुहूर्तावर लोकार्पण झालेल्या मलबार हिल परिसरातील ‘निसर्ग उन्नत मार्ग’ मुंबईकरांच्या पसंतीस उतरत आहे. अवघ्या दोन दिवसात तीन हजारांहून अधिक पर्यटकांनी निसर्ग उद्यान मार्गाला भेट दिली.
Mumbai Rain News : मुंबईत आज पूर्वमोसमी पावसाची शक्यता
मुंबई : गेल्या दोन दिवसांपासून राज्याच्या अनेक भागात पूर्वमोसमी पावसाने हजेरी लावली आहे. हवामान विमागाने मुंबईसह ठाणे, रायगड आणि पालघर जिल्ह्यात आजही पावसाचा अंदाज व्यक्त केला आहे.
मुंबई न्यूज अपडेट्स
