भारतीय हवाई दलाच्या चित्तथरारक प्रात्यक्षिकांनी मुंबईकर थक्क, तब्बल २० वर्षांच्या प्रतीक्षेनंतर पुन्हा दर्शन घडले

भारतीय हवाई दल हे जगभरातील सर्वाधिक शक्तिशाली हवाई दलांपैकी एक आहे. मुंबईमध्ये तब्बल २० वर्षांनी आयोजित करण्यात आलेल्या हवाई प्रात्यक्षिकांमध्ये हवाई दलातील सूर्यकिरण, सारंग व आकाशगंगा या पथकांनी वैविध्यपूर्ण सादरीकरणांतून मुंबईकरांना अचंबित केले. आकाशगंगा पथकाने कार्यक्रमाच्या सुरुवातीला आकाशात उत्तुंग भरारी घेऊन भारताचा तिरंगा व हवाई दलाचा झेंडा फडकावून उपस्थितांमध्ये अनामिक ऊर्जा निर्माण केली. त्यानंतर सूर्यकिरण व सारंग या पथकांनी निरनिराळ्या, काळजाचा ठाव घेणाऱ्या कवायती सादर केल्या. दरम्यान, सू – ३० या लढाऊ विमानानेही आपल्या शौर्याचे व शक्तीचे प्रदर्शन केले. तसेच, सी – १३० या मालवाहू विमानेचेही यावेळी दर्शन घडले. हवाई दलाचा हा रोमांच अनुभवताना उपस्थित असलेल्या प्रत्येकाचा ऊर अभिमानाने दाटून आला होता. जमिनीपासून दहा हजार फूट उंचीवर हवेत सूर मारणारी विमाने पाहण्यासाठी नरिमन पॉईंट परिसरात पर्यटकांनी प्रचंड गर्दी केली होती. देशभक्तीपर गीतांनी अवघा परिसर दुमदुमला होता.

आणखी वाचा

Mumbai Airport International Passengers: मुंबई विमानतळावरून १२ लाख प्रवाशांची आंतरराष्ट्रीय वारी

२१ नोव्हेंबर पंचांग: वर्षातील शेवटचा गुरुपुष्यामृत योग कोणत्या…

हेलिकॉप्टर उडणार नाही ही भीती; पाच मिनिट अन् गृहमंत्री अमित शहा सभा सोडून…

आकाशात झेपावलेल्या विमानात बॉम्ब ठेवल्याचा फोन अन्…

विस्तारा’च्या विलीनीकरणातून एअर इंडियाच्या सेवेत विस्तार; विमानांचा ताफा ३०० वर, तर साप्ताहिक उड्डाणे ८,५०० वर

‘एअरशिप्स’ घेणार विमानांची जागा? याचा अर्थ काय? भविष्यात एअरशिप्सचा कसा फायदा होणार?

‘विस्तारा’ नाममुद्रा इतिहासजमा; एअर इंडियामध्ये विलीनीकरण पूर्ण

पंतप्रधानांच्या दौऱ्यानिमित्त ड्रोन, पॅराग्लायडर उड्डाणास बंदी; आदेशाचा भंग केल्यास कारवाईचा इशारा

हेही वाचा – कामगार बेरोजगार होतील म्हणून प्रकल्प सुरू ठेवता येऊ शकत नाही, उच्च न्यायालयाचा निर्वाळा; जनरल मोटर्स प्रकल्प प्रकरण

हेही वाचा – मुंबई : शस्त्रांसह दोन सराईत आरोपींना अटक

या अविस्मरणीय क्षणांचे साक्षीदार होण्यासाठी मुंबई उपनगर तसेच ठाणे जिल्ह्यातूनही अनेक पर्यटक नरिमन पॉइंट परिसरात दाखल झाले होते. सुरक्षिततेच्या कारणास्तव अनेक वाहनांना संबंधित परिसरात बंदी घालण्यात आली होती. परिणामी, पर्यटकांना चालत कार्यक्रमस्थळ गाठावे लागले. तसेच, संबंधित परिसरात वाहनांवर बंदी घालण्यात आल्याने दक्षिण मुंबईतील अनेक भागांमध्ये वाहतूक कोंडी झाली होती. भारतीय हवाई दलाचा डोळ्यांचे पारणे फेडणारा हा कार्यक्रम अधिकाधिक लोकांपर्यंत पोहोचावा, यासाठी रविवारीही (आज) सकाळी १०. ३० ते दुपारी २ या कालावधीत या कार्यक्रमाचे आयोजन करण्यात आले आहे.