Mumbai Police : मुंबई पोलिसांची ओळख ही जगात उत्तम पोलीस अशी आहे. अनेक गुन्ह्यांची उकल शिताफीने करण्यात मुंबई पोलिसांचा हातखंडा आहे. अगदी खुनाचं प्रकरण असेल तरीही आरोपीचा छडा लावण्यात मुंबई पोलीस निष्णात समजले जातात. मात्र सध्याच्या घडीला एक घटना अशी घडली आहे ज्यामुळे मुंबई पोलिसांच्या प्रतिमेला तडा गेला आहे. मुंबई पोलिसांच्या प्रतिमेला काळीमा फासण्याचं काम चार पोलिसांनी केलं आहे. या चारजणांमध्ये एक पोलीस उपनिरीक्षक आणि तीन हवालदार ( Mumbai Police ) यांचा समावेश आहे. या चौघांचा एक व्हिडीओ समोर आला आहे. ज्या व्हिडीओत एका माणसाच्या खिशात ड्रग्ज ठेवताना हे चौघे दिसत आहेत. डमी आरोपी बनवण्यासाठी हे कृत्य करताना पोलीस ( Mumbai Police ) दिसत आहेत. हा व्हिडीओ समोर आल्यानंतर या चौघांना निलंबित करण्यात आलं आहे. हा व्हिडीओ सोशल मीडियावर व्हायरल झाला आहे. ज्यानंतर या चौघांवर कारवाई करण्यात आली आहे.

काय दिसतं आहे फुटेजमध्ये ?

सीसीटीव्ही कॅमेरातील चित्रीकरणात हे दिसून येतं आहे की दोन पोलीस उभे आहेत आणि इतर दोघं गोठ्यात काम करणाऱ्या व्यक्तीची झडती घेत आहेत. त्यानंतर हेदेखील दिसतं आहे की झडती घेता घेता त्या व्यक्तीच्या पँटच्या खिशात एक पोलीस ( Mumbai Police ) ड्रग्ज ठेवतो. ड्रग्ज प्रकरणात बोगस आरोपी बनवण्यासाठी हे करण्यात आल्याचं समजतं आहे. यानंतर आता मुंबई पोलिसांवर ( Mumbai Police ) विश्वास कसा ठेवायचा? असा प्रश्न लोक विचारु लागले आहेत. मुंबईतल्या खार या पोलीस ठाण्यात काम करणाऱ्या या चार पोलिसांना निलंबित करण्यात आलं आहे.

नक्की वाचा
Sarvajanik Ganesh Mandal Banner Goes Viral on Mahaprasad Will Be Given Only To Members netizens reacts
सार्वजनिक मंडळाचा ‘तो’ बॅनर पाहून लोक भडकले; PHOTO पाहून सांगा अशा मंडळांचं काय करायचं?
how does suiceide pod work
इच्छामरणासाठी तयार करण्यात आलेले ‘सुसाईड पॉड’ काय आहेत? हे मशीन कसे कार्य करते? याची चर्चा का होत आहे?
Vasai, bhayandar railway station suicide, father and son suicide, Jai Mehta, dual marriage, Bhayandar railway station, southern girl
वसई : पिता पुत्राचे रेल्वे रूळावरील आत्महत्येचे गूढ उकलले; मुलाचे प्रेमसंबंध उघड
constable commits suicide marathi news
पुणे: महिला पोलीस शिपायाची इंद्रायणी नदीत उडी; तरुणाने वाचवण्याचा प्रयत्न केला पण…
Man wrote message for his wife in back of the car video goes viral
किती ते प्रेम! नवऱ्यानं बायकोसाठी कारच्या मागे लिहला खास मेसेज; रस्त्यावर सर्व बघतच राहिले, VIDEO पाहून कराल कौतुक
Pakistan International Airlines Flight
पाकिस्तानच्या विमानाने तुम्ही कधी प्रवास केलाय का? प्रवाशाने शेअर केलेला Video पाहून तुमचीही झोप उडणार!
Bhagwan Rampure on Statue Collapse
Chhatrapati Shivaji Maharaj Statue Collapse : “चूक शिल्पकाराची नाही, मला दुःख आहे की…”, प्रख्यात शिल्पकार भगवान रामपुरे यांचा सरकारवर गंभीर आरोप
Puneri Pati
“उगाच पुण्याच्या पाट्या जगभर प्रसिद्ध नाहीत!” नो पार्किंगमध्ये गाडी लावणाऱ्यांना पुणेरी शैलीत टोला, पाहा पुणेरी पाटी

नेमकी ही घटना काय आहे?

मुंबईतल्या खार या भागात ३० ऑगस्ट रोजी ही घटना घडली. गोठ्यात काम करणाऱ्या डॅनियल या व्यक्तीला अंमली पदार्थ बाळगल्याच्या संशयावरून खार पोलीस ठाण्यातील चार पोलिसांनी ताब्यात घेतलं. त्याच्या खिशात २० ग्रॅम मेफेड्रोन सापडल्याचा दावा करण्यात आला होता. त्यानंतर घटनास्थळावरील सीसीटीव्ही कॅमेऱ्यातील फुटेज तपासण्यात आलं. त्यामध्ये डॅनियलच्या खिशात पोलीसच काही तरी ठेवत असल्याचं निदर्शनास आलं आहे. इंडिया टुडेने हे वृत्त दिलं आहे.

हे पण वाचा- मुंबई : तोतया अधिकाऱ्याकडून तरुणाची फसवणूक

त्यानंतर पोलिसांनी ( Mumbai Police ) तातडीने डॅनियलला सोडले. तसेच त्याला केवळ संशयावरून ताब्यात घेण्यात आले होते असे सांगणयात आले. मात्र सीसीटीव्ही व्हायरल झाल्यानंतर मुंबई पोलिसांच्या वरिष्ठ अधिकाऱ्यांनी या चारही अधिकारी आणि अंमलदारांना निलंबित केलं आहे.