मांजरीमुळे वाचलं नाल्यातून वाहून जाणारं बाळ; मुंबई पोलिसांनी दाखवलेल्या माणुसकीचं नेटकऱ्यांकडून कौतुक

पोलिसांना एका व्यक्तीचा फोन आला की, एका बाळाला कापडात गुंडाळून नाल्यात फेकले आहे. हे बालक नाल्यातून वाहून जात असताना शेजारी मांजरींनी गोंधळ घातल्याने त्याला ते बाळ दिसले. त्यानंतर त्याने पोलिसांना फोन केला. पंतनगर ठाण्यातील निर्भया पथकाने तिथे पोहोचून बाळाला वाचवले आहे. त्यानंतर पोलिसांनी त्या बाळाला राजावाडी येथे उपचारासाठी नेले. आता ते बाळ सुखरूप असून बरे होतं आहे, असे पोलिसांनी सांगितले.

मुंबई पोलिसांच्या ट्विटवर नेटकरी मोठ्या प्रमाणात प्रतिक्रिया देत आहेत. लोकांनी पोलिसांचं माहिती देणाऱ्याचं कौतुक केलंय आणि त्या बाळाला अशा प्रकारे नाल्यात टाकून देण्याऱ्यांवर संताप व्यक्त केला आहे.