Mumbai : मुंबईत आढळला HMPV चा पहिला रुग्ण, सहा महिन्यांच्या बाळाला विषाणूची लागण

दरम्यान रुग्णालयाची डॉक्टरांनी दिलेल्या माहितीनुसार या विषाणूवर कोणतेही विशिष्ट उपचार नसल्यामुळे बाळावर आयसीयूमध्ये ब्रॉन्कोडायलेटर्सच्या लक्षणांवर उपचार सुरू करण्यात आले आहेत.

पवईतील हिरानंदानी रुग्णालयातील डॉक्टरांनी मंगळवारी दिलेल्या माहितीनुसार, त्यांनी स्थानिक प्रशासनाला १ जानेवारी रोजी एचएमपीव्ही रुग्णाबाबत कल्पना दिली होती. परंतु परळ येथील बीएमसीच्या आरोग्य अधिकाऱ्यांनी सांगितले की, त्यांना अद्याप असा कोणताही अहवाल प्राप्त झालेला नाही. याबाबत टाईम्स ऑफ इंडियाने वृत्त दिले आहे.

केंद्र सरकारकडून खबरदारी

चीनमध्ये सध्या ह्युमन मेटान्यूमो व्हायरसचा (एचएमपीव्ही) उद्रेक सुरू असल्याने, देशातही याला विषाणूला रोखण्यासाठी खबरदारी घेतली जात आहे. यादरम्यान इंडियन कौन्सिल ऑफ मेडिकल रिसर्च (ICMR) नेटवर्क लॅबोरेटरीजच्या नियमित तपासणी दरम्यान देशातील काहींना या विषाणूची लागण झाल्याचे स्पष्ट झाले आहे. आरोग्य मंत्रालयाने काही दिवसांपूर्वी चीनमधील परिस्थितीवर लक्ष ठेवण्यासाठी एक संयुक्त पाहाणी पथकाची स्थापना केली आहे. हे पथक जागतिक आरोग्य संघटनेकडून वेळोवेळी चिनमधील परिस्थितीबद्दल माहिती घेत आहे.

हे ही वाचा : Torres Fraud: मुंबई, ठाण्यातील ‘टोरेस’ घोटाळा, थेट आंतरराष्ट्रीय कनेक्शन; आरोपी रशिया व उझबेकिस्तानचे, तर मास्टरमाईंड युक्रेनचा!

२००१ पहिल्यांदा शोध

ह्युमन मेटापन्यूमो व्हायरस (एचएमपीव्ही) हा आरएनए विषाणू आहे. २००१ मध्ये डच संशोधकांनी सर्वांत पहिल्यांदा याचा शोध लावला होता. या विषाणूमुळे श्वसनासंबंधी आजार होतात. संशोधनातून असे समोर आले होते की, या विषाणूचा किमान सहा दशकांपासून प्रसार होत आहे. याला आता जागतिक स्तरावर प्रचलित श्वसन रोगजनक म्हणून ओळखले जाते. एचएमपीव्ही प्रामुख्याने खोकताना आणि शिंकताना पसरतो. सीडीडी या चिनी संकेतस्थळानुसार ‘एचएमपीव्ही’चा संसर्ग कालावधी तीन ते पाच दिवसांचा असतो. हा विषाणू हिवाळा आणि वसंत ऋतूच्या महिन्यांत जास्त प्रमाणात आढळतो.

हे ही वाचा : “बाळासाहेबांची शिवसेना फोडण्यासाठी राज ठाकरेंच्या मनसेचा वापर”; संजय राऊत यांचा गंभीर दावा

एचएमपीव्ही ची लक्षणे

ह्युमन मेटापन्यूमो व्हायरसमध्येही (एचएमपीव्ही) सामान्य सर्दी आणि कोरोनासारखी लक्षणे दिसून येतात. त्यामध्ये खोकला, ताप व सर्दी यांसारख्या लक्षणांचा समावेश आहे. कोविड-१९ नंतर पाच वर्षांनंतर चीनच्या अनेक भागांमध्ये ह्युमन मेटापन्यूमो व्हायरसचा (एचएमपीव्ही) प्रादुर्भाव वाढत आहे.