मुंबई : पोलीस ठाण्यातील शौचालयाची जाळी तोडून चोर पसार

सांताक्रुझ पूर्व येथील वाकोला परिसरातील रहिवासी, तक्रारदार पॅरेलाल राजभर गावी जाणारी पत्नी व मुलाला सोडण्यासाठी मंगळवारी रेल्वे स्थानकावर गेले होते. दोघांना रेल्वेत बसवून राजभर व त्यांची मुलगी घरी परतले असता घराच्या दरवाजाचे कुलूप कोणी तरी काढल्याचे दिसले. दरवाजा आत ढकलला असता तो आतून बंद असल्याचे त्यांच्या लक्षात आले. त्यांनी दरवाजा ठोकला. त्यावेळी आतून अचानक एका व्यक्तीने दरवाजा उघडला व लोखंडी सळीने राजभर यांच्यावर हल्ला केला. त्यात ते जखमी झाले. त्यांनी आरडाओरडा केला असता शेजारी मदतीला धावले. शेजाऱ्यांच्या मदतीने त्यांनी आरोपीला पकडण्यात यश आले. आरोपीकडे घरातील दागिने सापडले.

आणखी वाचा

भिवंडीत मोबाईल चोरीच्या संशयावरुन एकाची हत्या, शांतीनगर पोलिसांनी केली सातजणांना अटक

शरद पवारांचं राज ठाकरेंना आव्हान; जातीयवादाच्या टीकेवर म्हणाले,…

आरोपीला मदत करण्यासाठी लाच मागणाऱ्या हवालदारावर कारवाई

ससूनमध्ये चार कोटींचा घोटाळा, तेरा आरोपींचा अटकपूर्व जामीन फेटाळला

बदलापूर प्रकरण : कर्तव्यात कसूर करणाऱ्या पोलिसांवर काय कारवाई केली ? उच्च न्यायालयाचा सवाल

पिंपरी : कुरीअरमध्ये ड्रग्ज असल्याचे सांगून फसवणार्‍या राजस्थानच्या टोळीचा पर्दाफाश; पाऊणकोटीचा मुद्देमाल जप्त

दारू सोडविण्यासाठी आलेल्या रुग्णांना मारहाण; कल्याणमधील अनधिकृत नशामुक्ती केंद्राचा अमानुष कारभार

पिंपरी : पर्यटनाच्या बहाण्याने नारळ पाणी विक्रेत्याकडून खंडणीसाठी घरमालकाचे विमानाने अपहरण; बेटावर डांबले

हेही वाचा – एअरपोर्ट फनेलवासीयांच्या पुनर्विकासासाठी अखेर टीडीआर!

हेही वाचा – ‘मेट्रो ३’चे २४ जुलै रोजी लोकार्पण होणार असल्याचे विनोद तावडे यांच्याकडून ट्विट, नंतर ट्विट हटवले

याप्रकरणी राजभर यांनी वाकोला पोलिसांकडे तक्रार केली. या तक्रारीच्या आधारे आरोपीविरोधात गुन्हा दाखल करण्यात आला. आरोपीचे नाव महेश गुरव (२७) असून त्याला अटक करण्यात आली होती. आरोपीला पोलीस कोठडी सुनावण्यात आली होती. पोलीस ठाण्यातील अंमलदार कक्षाच्या शेजारी असलेल्या शौचालयात आरोपी गेला होता. त्यावेळी त्याने तेथील खिडकीवरील लोखंडी जाळी तोडली आणि पलायन केले. याप्रकरणी वाकोला पोलीस ठाण्यातील हवालदार सुनील म्हस्के यांच्या तक्रारीवरून आरोपी महेशविरोधात गुन्हा दाखल करण्यात आला आहे. आरोपी शीव कोळीवाडा येथील ट्रान्झीट कॅम्पमधील रहिवासी असून पोलीस त्याचा शोध घेत आहेत.